ബംഗളൂരു: ഇന്ത്യന് ക്രിക്കറ്റിലെ പ്രമുഖ ഓള്റൗണ്ടര് ഹാര്ദിക് പാണ്ഡ്യ കരിയറിലെ നിര്ണായക ലക്ഷ്യങ്ങള് മുന്നിര്ത്തി ബംഗളൂരുവിലേക്ക് സ്ഥിരതാമസം മാറ്റി. പരിശീലനത്തിനും ഫിറ്റ്നസിനും കൂടുതല് സമയം കണ്ടെത്തുന്നതിനായി ബിസിസിഐയുടെ സെന്റര് ഓഫ് എക്സലന്സിന് സമീപമാണ് അദ്ദേഹം പുതിയ വീട് വാടകയ്ക്കെടുത്തിരിക്കുന്നത്.
ഇതോടെ, ബിസിസിഐയുടെ അത്യാധുനിക പരിശീലന കേന്ദ്രത്തെ സ്ഥിരം പരിശീലന താവളമാക്കുന്ന ആദ്യ ഇന്ത്യന് ക്രിക്കറ്റ് താരമെന്ന പ്രത്യേകതയും ഹാര്ദിക് സ്വന്തമാക്കി. പരിക്കുകളില് നിന്ന് വിട്ടുനില്ക്കാനും ശാരീരികക്ഷമത ഉയര്ന്ന നിലയില് നിലനിര്ത്താനും ലോകോത്തര പരിശീലന സൗകര്യങ്ങള് പരമാവധി പ്രയോജനപ്പെടുത്താനുമാണ് ഈ നീക്കം.
2027 ഏകദിന ലോകകപ്പും ക്രിക്കറ്റ് വീണ്ടും ഒളിമ്പിക്സിലേക്ക് തിരിച്ചെത്തുന്ന 2028 ലോസ് ആഞ്ചലസ് ഒളിമ്പിക്സുമാണ് ഹാര്ദിക്കിന്റെ പ്രധാന ലക്ഷ്യങ്ങള്. ഇന്ത്യന് ടീമിലെ നിര്ണായക ഓള്റൗണ്ടറെന്ന നിലയില് ഈ രണ്ട് വമ്പന് ടൂര്ണമെന്റുകളിലും മികച്ച പ്രകടനം പുറത്തെടുക്കാനാണ് അദ്ദേഹം പദ്ധതിയിടുന്നത്.
തന്റെ കരിയറില് ഇനിയും അഞ്ച് മുതല് ആറ് വര്ഷം വരെ ഉയര്ന്ന നിലവാരത്തില് കളിക്കാന് കഴിയുമെന്ന ആത്മവിശ്വാസത്തിലാണ് ഹാര്ദിക്. അതിനായി ഫിറ്റ്നസിനും തുടര്ച്ചയായ പരിശീലനത്തിനും ഏറ്റവും വലിയ പ്രാധാന്യം നല്കുകയാണ് താരം.
ഇന്ത്യന് ക്രിക്കറ്റിന്റെ ഭാവി പദ്ധതികളില് നിര്ണായക സാന്നിധ്യമായി തുടരാനുള്ള ഹാര്ദിക് പാണ്ഡ്യയുടെ ദീര്ഘവീക്ഷണത്തിന്റെ ഭാഗമായാണ് ഈ തീരുമാനം വിലയിരുത്തപ്പെടുന്നത്. 2027 ലോകകപ്പിലും 2028 ഒളിമ്പിക്സിലും ഇന്ത്യയുടെ വിജയ പ്രതീക്ഷകള്ക്ക് കരുത്തേകാന് തയ്യാറെടുക്കുകയാണ് ഇന്ത്യന് ഓള്റൗണ്ടര്.
