തലശ്ശേരി: 14 വയസ്സുകാരിയെ പീഡിപ്പിച്ച കേസിൽ ഓട്ടോ ഡ്രൈവർക്ക് ആറ് വർഷം തടവ് ശിക്ഷ. മലപ്പുറം ചാപ്പനങ്ങാടി സ്വദേശി അബ്ദുൽ റഷീദിനെയാണ് കോടതി ശിക്ഷിച്ചത്. കുട്ടിയെ സ്ഥിരമായി സ്കൂളിൽ എത്തിച്ചിരുന്ന ഓട്ടോ ഡ്രൈവറായിരുന്നു അബ്ദുൽ റഷീദ്. ഈ പരിചയം മുതലെടുത്താണ് ഇയാൾ കുട്ടിയെ പീഡിപ്പിച്ചതെന്നാണ് കേസ്.
2024 ഒക്ടോബറിലായിരുന്നു സംഭവം. സ്കൂളിന് സമീപത്തെ ആളൊഴിഞ്ഞ ഇടവഴിയിലേക്ക് കുട്ടിയെ കൂട്ടിക്കൊണ്ടുപോയി ലൈംഗിക അതിക്രമം നടത്തുകയായിരുന്നു. വിവരം പുറത്തറിഞ്ഞതോടെ പൊലീസ് കേസെടുത്ത് അന്വേഷണം നടത്തുകയായിരുന്നു. തെളിവുകളും സാക്ഷിമൊഴികളും പരിശോധിച്ച ശേഷമാണ് കോടതി പ്രതിക്ക് ശിക്ഷ വിധിച്ചത്.
