ഗ്ലാസ്ഗോ: കോമണ്വെല്ത്ത് ഗെയിംസ് പാരാ അത്ലറ്റിക്സ് മത്സരങ്ങള്ക്ക് ഇന്ത്യയ്ക്ക് തിളക്കമാര്ന്ന അവസാനം. പുരുഷന്മാരുടെ 100 മീറ്റര് ടി47 ഇനത്തില് ദിലീപ് മഹാദു ഗവിത് ഗെയിംസ് റെക്കോര്ഡോടെ സ്വര്ണം നേടിയപ്പോള്, സഹതാരം മുഹമ്മദ് ബാസില് വെള്ളി മെഡല് സ്വന്തമാക്കി. ഇതോടെ ഈ ഇനത്തില് ഇന്ത്യ ഒന്നും രണ്ടും സ്ഥാനങ്ങള് സ്വന്തമാക്കി ചരിത്രനേട്ടം കുറിച്ചു.
10.71 സെക്കന്ഡില് ഫിനിഷ് ചെയ്ത ദിലീപ് മുന് ഗെയിംസ് റെക്കോര്ഡ് തകര്ത്താണ് സ്വര്ണമെഡല് കരസ്ഥമാക്കിയത്. ബാസില് 10.83 സെക്കന്ഡ് സമയവുമായി സീസണിലെ മികച്ച പ്രകടനം പുറത്തെടുത്ത് വെള്ളിയും നേടി. ഇംഗ്ലണ്ടിന്റെ കെവിന് സാന്റോസ് 10.85 സെക്കന്ഡില് വെങ്കലം സ്വന്തമാക്കിയപ്പോള്, ഓസ്ട്രേലിയയുടെ ജെയ്ഡണ് പേജ് 10.97 സെക്കന്ഡുമായി നാലാം സ്ഥാനത്തായി.
പാരാ അത്ലറ്റിക്സില് ഇന്ത്യയുടെ മൂന്നാം സ്വര്ണ മെഡലാണ് ദിലീപിന്റെത്. നേരത്തെ വനിതകളുടെ ഷോട്ട്പുട്ട് എഫ്57 ഇനത്തില് ശര്മിള, ഭാരോദ്വഹനത്തില് മീരാബായ് ചാനു എന്നിവര് ഇന്ത്യയ്ക്ക് സ്വര്ണം സമ്മാനിച്ചിരുന്നു. ഗ്ലാസ്ഗോയില് ഇന്ത്യന് പാരാ അത്ലറ്റിക്സ് താരങ്ങള് കാഴ്ചവെച്ച മികവിന്റെ തെളിവായി മാറിയ മത്സരത്തില്, ദിലീപിന്റെ ഗെയിംസ് റെക്കോര്ഡും ബാസിലിന്റെ വെള്ളി മെഡലും ഇന്ത്യയുടെ മെഡല്വേട്ടയ്ക്ക് കൂടുതല് തിളക്കം പകര്ന്നു.
