കണ്ണൂര്: പെരിങ്ങോം സി.ആര്.പി.എഫ് ക്യാമ്പിലെ ഹെഡ് കോണ്സ്റ്റബിളിനെ ക്വാര്ട്ടേഴ്സില് മരിച്ച നിലയില് കണ്ടെത്തി. എറണാകുളം കോതമംഗലം പുല്ലാരിമംഗലം സ്വദേശി യു.എച്ച്. ഹസന് (45) ആണ് മരിച്ചത്.
ക്യാമ്പിന് സമീപത്തെ ക്വാര്ട്ടേഴ്സിലാണ് ഹസനെ മരിച്ച നിലയില് കണ്ടെത്തിയത്. ശനിയാഴ്ച രാവിലെ 9.45ഓടെ ക്വാര്ട്ടേഴ്സിലെത്തിയ സഹപ്രവര്ത്തകരാണ് സംഭവം ആദ്യം കണ്ടത്. ഉടന് പയ്യന്നൂര് താലൂക്ക് ആശുപത്രിയില് എത്തിച്ചെങ്കിലും ഡോക്ടര്മാര് മരണം സ്ഥിരീകരിച്ചു.
തുടര്നടപടികള്ക്കായി മൃതദേഹം കണ്ണൂര് മെഡിക്കല് കോളേജ് ആശുപത്രിയിലേക്ക് മാറ്റി. സംഭവത്തില് അധികൃതര് തുടര്നടപടികള് സ്വീകരിച്ചുവരികയാണ്.
