ന്യൂഡല്ഹി: 2025ലെ കായികരംഗത്തെ മികവിനുള്ള അര്ജുന, ദ്രോണാചാര്യ പുരസ്കാരങ്ങള് പ്രഖ്യാപിച്ചു. 17 കായികതാരങ്ങളാണ് അര്ജുന പുരസ്കാരത്തിന് അര്ഹരായത്. മലയാളി താരങ്ങളായ മുഹമ്മദ് അജ്മലിനും ബാഡ്മിന്റണ് താരം ട്രീസ ജോളിക്കും പുരസ്കാരം ലഭിച്ചു. കണ്ണൂര് സ്വദേശിനിയായ ട്രീസ ജോളി ബാഡ്മിന്റണില് രാജ്യത്തെ ശ്രദ്ധേയ താരമാണ്. പാലക്കാട് ജില്ലയിലെ ചെര്പ്പുളശ്ശേരി സ്വദേശിയായ മുഹമ്മദ് അജ്മല് ഇന്ത്യയുടെ 4ഃ400 മീറ്റര് റിലേ ടീമിലെ പ്രധാന താരമാണ്.
അത്ലറ്റുകളായ തേജസ്വിന് ശങ്കര്, പ്രിയങ്ക ഗോസ്വാമി, ബാഡ്മിന്റണ് താരം ഗായത്രി ഗോപിചന്ദ്, ബോക്സര് നരേന്ദര്, ചെസ് താരങ്ങളായ വിദിത് സന്തോഷ് ഗുജറാത്തി, ദിവ്യ ജിതേന്ദ്ര ദേശ്മുഖ് എന്നിവരും അര്ജുന പുരസ്കാരം നേടിയവരില് ഉള്പ്പെടുന്നു. ഡെഫ് ഷൂട്ടിങ് താരം ധനുഷ് ശ്രീകാന്ത്, ഹോക്കി താരങ്ങളായ ലാല്റെംസിയാമി, രാജ്കുമാര് പാല്, കബഡി താരങ്ങളായ സുര്ജിത്, പൂജ, പാരാ ഷൂട്ടിങ് താരം രുദ്രാഷ് ഖണ്ഡേല്വാല്, പാരാ അത്ലറ്റ് ഏക്താ ഭ്യാന്, റോവിങ് താരം അരവിന്ദ് സിങ്, ഷൂട്ടിങ് താരം അഖില് ഷോറന് എന്നിവര്ക്കും അര്ജുന പുരസ്കാരം ലഭിക്കും.
ഫുട്ബോള് താരം അരുമൈനായകം സമഗ്ര സംഭാവനയ്ക്കുള്ള ലൈഫ് ടൈം അര്ജുന പുരസ്കാരത്തിന് അര്ഹനായി. അഞ്ച് പരിശീലകര്ക്കാണ് ദ്രോണാചാര്യ പുരസ്കാരം ലഭിച്ചത്. അത്ലറ്റിക്സ് പരിശീലകന് പാര്വീര് സിങ്, ബോക്സിങ് പരിശീലകന് ഛോട്ടെ ലാല് യാദവ്, ഷൂട്ടിങ് പരിശീലക നേഹ നന്ദകുമാര് ചവാന് എന്നിവര്ക്കൊപ്പം സമഗ്ര സംഭാവന വിഭാഗത്തില് ബോക്സിങ് പരിശീലകന് ധര്മ്മേന്ദ്ര സിങ് യാദവ്, ഗുസ്തി പരിശീലകന് വീരേന്ദ്രകുമാര് എന്നിവരും പുരസ്കാരത്തിന് അര്ഹരായി.
