തലശ്ശേരി: ഓണം പട്രോളിംഗിന്റെ ഭാഗമായി നടത്തിയ പരിശോധനയിൽ എം.ഡി.എം.എയുമായി യുവാവ് പിടിയിൽ. തിരുവങ്ങാട് സ്വദേശി സജീർ എസ്. (32) ആണ് അറസ്റ്റിലായത്.
ഇന്ദിരാഗാന്ധി ആശുപത്രിക്ക് സമീപത്തെ പാർക്കിംഗ് ഗ്രൗണ്ടിൽ പോലീസ് പരിശോധന നടത്തുന്നതിനിടെയാണ് സജീർ പിടിയിലായത്. ഇയാൾ ധരിച്ചിരുന്ന വാച്ചിന്റെ സ്ട്രാപ്പിനുള്ളിൽ രഹസ്യമായി ഒളിപ്പിച്ച നിലയിൽ 1.45 ഗ്രാം എം.ഡി.എം.എ കണ്ടെത്തുകയായിരുന്നു.
ഓണം പ്രമാണിച്ച് ലഹരിക്കടത്ത് ഉൾപ്പെടെയുള്ള നിയമവിരുദ്ധ പ്രവർത്തനങ്ങൾ തടയുന്നതിനായി പോലീസ് പരിശോധന ശക്തമാക്കിയിട്ടുണ്ട്.
