കോഴിക്കോട്: വീട്ടമ്മയുടെ സ്വർണമാല പൊട്ടിച്ച കേസിൽ യുവാവ് പിടിയിൽ. ബാലുശ്ശേരി തലയാട് സ്വദേശി സഹൽ (28) ആണ് വയനാട്ടിൽ ബാലുശ്ശേരി പോലീസിന്റെ പിടിയിലായത്.
കഴിഞ്ഞ ശനിയാഴ്ച വൈകിട്ട് അഞ്ചോടെയാണ് സംഭവം. ബാലുശ്ശേരി സന്ധ്യാ റോഡിൽ മകനൊപ്പം വീട്ടിലേക്ക് മടങ്ങുകയായിരുന്ന ഉണ്ണികുളം സ്വദേശിനി അനുശ്രീയുടെ രണ്ടര പവൻ തൂക്കം വരുന്ന സ്വർണമാലയാണ് സഹൽ പൊട്ടിച്ചെടുത്ത് ഓടി രക്ഷപ്പെട്ടത്.
സമീപത്തെ കടയിലെ സിസിടിവി ദൃശ്യങ്ങൾ കേന്ദ്രീകരിച്ച് ബാലുശ്ശേരി പോലീസ് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. തുടർന്ന് വയനാട്ടിൽ നിന്ന് ഇയാളെ കസ്റ്റഡിയിലെടുക്കുകയായിരുന്നു.
കേസിൽ പോലീസ് തുടർനടപടികൾ സ്വീകരിച്ചുവരികയാണ്.
