കോട്ടയം: കോട്ടയത്ത് യൂട്യൂബ് വ്ലോഗറെ വാടകവീട്ടില് മരിച്ച നിലയില് കണ്ടെത്തി. വൈക്കം ചെമ്പ് കാട്ടിക്കുന്ന് തുരുത്ത് സ്വദേശിനിയായ തംബുരുവിനെയാണ് പുളിഞ്ചുവട്ടിലെ വാടകവീട്ടില് മരിച്ച നിലയില് കണ്ടെത്തിയത്. ‘തംബുരു ക്വീന്ഫിഷര്’ എന്ന യൂട്യൂബ് ചാനലിലൂടെ മത്സ്യബന്ധനവുമായി ബന്ധപ്പെട്ട വീഡിയോകള് ചെയ്തിരുന്നയാളാണ് തംബുരു.
ഇന്നലെ വൈകിട്ടാണ് മകള് വീട്ടിലെത്തിയപ്പോള് തംബുരുവിനെ മരിച്ച നിലയില് കണ്ടെത്തിയത്. ഭര്ത്താവുമായി അകന്ന് കഴിയുകയായിരുന്ന തംബുരു മകള്ക്കൊപ്പമായിരുന്നു വാടകവീട്ടില് താമസിച്ചിരുന്നത്. സംഭവമറിഞ്ഞ് വൈക്കം പൊലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റുമോര്ട്ടത്തിനായി മാറ്റി. മരണത്തിലേക്ക് നയിച്ച സാഹചര്യങ്ങള് സംബന്ധിച്ച് പൊലീസ് അന്വേഷണം ആരംഭിച്ചിട്ടുണ്ട്. കുടുംബപ്രശ്നങ്ങളാണ് മരണത്തിന് പിന്നിലെന്ന പ്രാഥമിക വിവരവും പൊലീസ് പരിശോധിച്ചുവരികയാണ്.
