തിരുവനന്തപുരം: മുഖ്യമന്ത്രിയുടെ ചാർട്ടേഡ് വിമാനയാത്രയെ ചോദ്യം ചെയ്ത് വി. മുരളീധരൻ എംഎൽഎ. കോട്ടയത്തും മലപ്പുറത്തും പ്രകൃതിദുരന്തമുണ്ടായിട്ടുണ്ട്. എന്നാൽ മുഖ്യമന്ത്രി കോട്ടയത്തേക്ക് പോകാതെ മലപ്പുറത്തേക്കാണ് പോയത്. മലപ്പുറത്ത് മന്ത്രിമാർ ഇല്ലാത്തതുകൊണ്ടാണോ മുഖ്യമന്ത്രി നേരിട്ട് പോയതെന്ന് വ്യക്തമാക്കണമെന്നും മുരളീധരൻ ആവശ്യപ്പെട്ടു.
മലപ്പുറത്തേക്ക് മുഖ്യമന്ത്രി ഉപയോഗിച്ച വിമാനം ആരുടേതാണെന്നും വിമാനം സൗജന്യമായി നൽകിയതിന് പിന്നിലെ താൽപര്യം എന്താണെന്നും മുരളീധരൻ ചോദിച്ചു. കോൺഗ്രസിന്റെ ഒരു മന്ത്രിയാണ് വിമാനം നൽകിയതെന്നും, വലിയ ബിസിനസുകാരനും നിരവധി അഴിമതിക്കേസുകളിൽ ഉൾപ്പെട്ടയാളുമാണ് അദ്ദേഹമെന്നും മുരളീധരൻ ചൂണ്ടിക്കാട്ടി.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പുണ്യം ലഭിക്കാനല്ല ആരും സൗജന്യമായി വിമാനം നൽകുന്നതെന്നും അദ്ദേഹം പറഞ്ഞു. ഈ യാത്രയിലൂടെ ജനങ്ങൾക്ക് എന്ത് ബുദ്ധിമുട്ടാണ് ഉണ്ടായതെന്ന് അറിയാൻ നാല് വർഷം വേണ്ടിവരുമെന്നും, മുഖ്യമന്ത്രിയുടെ സൗജന്യ വിമാനയാത്രയിൽ നാല് വർഷത്തിന് ശേഷം അന്വേഷണം ഉണ്ടായേക്കാമെന്നും മുരളീധരൻ ആരോപിച്ചു. കഴിഞ്ഞ സർക്കാരിന്റെ അതേ പാതയാണ് നിലവിലെ സർക്കാരും പിന്തുടരുന്നതെന്നും വി. മുരളീധരൻ കുറ്റപ്പെടുത്തി.
