വാഷിംഗ്ടണ്: ആര്ട്ടിഫിഷ്യല് ഇന്റലിജന്സിന് പുതിയ പേര് പ്രഖ്യാപിച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. യുഎസ് ഭരണകൂടത്തിന്റെ ആശയവിനിമയങ്ങളില് ആര്ട്ടിഫിഷ്യല് ഇന്റലിജന്സിന് പകരം ‘സൂപ്പര് ഇന്റലിജന്സ്’ അഥവാ ‘എസ്ഐ’ എന്ന പദം ഉപയോഗിക്കുമെന്ന് ട്രംപ് അറിയിച്ചു. വൈറ്റ് ഹൗസില് ടെക് മേഖലയിലെ പ്രമുഖരുമായി നടത്തിയ കൂടിക്കാഴ്ചയ്ക്കിടെയാണ് പ്രഖ്യാപനം. ഇലോണ് മസ്ക്, മെറ്റാ മേധാവി മാര്ക്ക് സക്കര്ബര്ഗ്, ഗൂഗിള് സിഇഒ സുന്ദര് പിച്ചൈ, എന്വിഡിയ സിഇഒ ജെന്സന് ഹുവാങ് തുടങ്ങിയ പ്രമുഖരാണ് വൈറ്റ് ഹൗസ് വിരുന്നില് പങ്കെടുത്തത്. ഓപ്പണ്എഐ, ആന്ത്രോപിക്, മൈക്രോസോഫ്റ്റ്, ആമസോണ്, എഎംഡി തുടങ്ങിയ കമ്പനികളുടെ പ്രമുഖരും പരിപാടിയില് പങ്കെടുത്തു.
യുഎന് പൊതുസഭയിലെ പ്രസംഗത്തിനിടെയും ആര്ട്ടിഫിഷ്യല് ഇന്റലിജന്സിനെ ഇനി ‘സൂപ്പര് ഇന്റലിജന്സ്’ എന്ന് വിളിക്കുമെന്ന് ട്രംപ് പറഞ്ഞിരുന്നു. യുഎന് പ്രസംഗത്തില് ആഗോളതലത്തിലുള്ള അക നിയന്ത്രണത്തെയും അദ്ദേഹം എതിര്ത്തിരുന്നു. എഐ സാങ്കേതികവിദ്യ അമേരിക്കയെ സംബന്ധിച്ച് വളരെ വലിയ സാധ്യതകളാണ് തുറക്കുന്നതെന്ന് ട്രംപ് പറഞ്ഞു. ഇന്റര്നെറ്റിനേക്കാള് വലിയ സാങ്കേതിക മാറ്റമായി ഇതിനെ വിശേഷിപ്പിച്ച അദ്ദേഹം, സാങ്കേതികവിദ്യയുടെ വളര്ച്ച തുടരുന്നതിനൊപ്പം ദുരുപയോഗം തടയാനും നടപടികളുണ്ടാകുമെന്ന് വ്യക്തമാക്കി.
എഐയുടെ വളര്ച്ചയ്ക്കൊപ്പം ഡാറ്റാ സെന്ററുകളുടെ ആവശ്യകതയും വര്ധിക്കുന്ന സാഹചര്യത്തില് പ്രാദേശിക സമൂഹങ്ങളുമായി ടെക് കമ്പനികള് സഹകരിക്കണമെന്ന് ട്രംപ് പറഞ്ഞു. ഡാറ്റാ സെന്ററുകള് പ്രവര്ത്തിക്കുന്ന പ്രദേശങ്ങളിലെ സ്കൂളുകള്ക്കും അധ്യാപകര്ക്കും ഉള്പ്പെടെ കമ്പനികള് പിന്തുണ നല്കണമെന്നാണ് അദ്ദേഹം പറഞ്ഞത്. വൈറ്റ് ഹൗസ് കൂടിക്കാഴ്ചയില് പ്രമുഖ ടെക് കമ്പനികള് എഐ സുരക്ഷയുമായി ബന്ധപ്പെട്ട സ്വമേധയാ പാലിക്കുന്ന ചട്ടക്കൂടിനും ധാരണയിലെത്തി. സ്വതന്ത്ര ഓഡിറ്റര്മാരുടെ പരിശോധനയും കമ്പനികളുടെ ആഭ്യന്തര സുരക്ഷാ നിയന്ത്രണങ്ങളും ശക്തമാക്കുന്നതാണ് ധാരണയിലെ പ്രധാന ഭാഗങ്ങള്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പുതിയ സമഗ്ര ഫെഡറല് നിയന്ത്രണത്തിന് പകരം വ്യവസായമേഖലയുടെ നേതൃത്വത്തിലുള്ള സുരക്ഷാ സമീപനമായാണ് ഇത് അവതരിപ്പിച്ചിരിക്കുന്നത്. എഐ വികസനത്തില് സുരക്ഷയും മേല്നോട്ടവും ഉറപ്പാക്കുന്നതിനൊപ്പം സാങ്കേതിക മുന്നേറ്റം വേഗത്തിലാക്കുക എന്നതാണ് ട്രംപ് ഭരണകൂടം മുന്നോട്ടുവയ്ക്കുന്ന സമീപനം. സര്ക്കാര് സേവനങ്ങള് കൂടുതല് എളുപ്പത്തില് ലഭ്യമാക്കുന്നതിനായി സെപ്റ്റംബര് 29ന് ആരംഭിച്ച America.gov സംവിധാനത്തിലും ‘സൂപ്പര് ഇന്റലിജന്സ്’ ഉപയോഗിക്കുന്നതായി വൈറ്റ് ഹൗസ് വ്യക്തമാക്കിയിട്ടുണ്ട്.
