കൊച്ചി: ഐഎസ്എല് ഫൈനലിനുള്ള ടിക്കറ്റ് എവിടെയും കിട്ടാതിരിക്കുമ്പോഴും കരിഞ്ചന്തയില് ടിക്കറ്റ് വില്പ്പന വ്യാപകം. 500 രൂപയുടെ ടിക്കറ്റിന് 3500 രൂപ വരെയാണ് കരിഞ്ചന്തയില് ഈടാക്കുന്നത്. ഇത് സംബന്ധിച്ച് ഇടനിലക്കാരുമായി വിലപേശുന്നതിന്റെ ഫോള് കോള് ജനം ടിവിയ്ക്ക് ലഭിച്ചു.
ഐഎസ്എല് ഫൈനലിന് ദിവസങ്ങള്ക്ക് മുമ്പേ ടിക്കറ്റുകളെല്ലാം ഓണ്ലൈനില് വിറ്റുപോയിരുന്നു. സ്റ്റേഡിയത്തില് നിന്നുള്ള ടിക്കറ്റ് വില്പ്പന കഴിഞ്ഞ ദിവസം അവസാനിപ്പിക്കുകയും ചെയ്തിരുന്നു. എന്നാല് ടിക്കറ്റ് കരിഞ്ചന്തയില് ലഭിക്കുന്നെന്ന വിവരം ലഭിച്ചതിനെ തുടര്ന്നാണ് വാട്സ് ആപ്പില് ലഭിച്ച നമ്പരിലേക്ക് വിളിക്കുന്നത്.
500 രൂപയുടെ ടിക്കറ്റിന് 3500 രൂപ വരെയാണ് ഈടാക്കുന്നത്. വില കൂട്ടി പറഞ്ഞപ്പോള് 4000 രൂപയ്ക്ക് ടിക്കറ്റ് തരാമെന്നും ഇയാള് സമ്മതിച്ചു.
രാകേഷ് എന്നയാളാണ് ടിക്കറ്റിനായി ഞങ്ങളോട് വിലപേശിയത്. ഇടപ്പള്ളിയിലെത്തിയാല് ടിക്കറ്റ് കൈയില് തരാമെന്നും ഇയാള് വ്യക്തമാക്കി. ബുക്ക് മൈ ഷോയിലൂടെ നേരത്തെ വാങ്ങിയ ടിക്കറ്റുകളാണ് കരഞ്ചന്തയില് വില്ക്കുന്നതെന്നും ഇവര് വ്യക്തമാക്കി.
ടിക്കറ്റിനായി ബ്ലാസ്റ്റേഴ്സ് ആരാധകര് പരക്കം പായുന്നത് മുതലെടുത്ത് പണം കൊയ്യാനാണ് കരിഞ്ചന്തക്കാരുടെ ശ്രമം.
