Tech

വാട്സാപ്പിൽ പണികിട്ടി : ഫേസ്ബുക്കിന് 800 കോടി പിഴ

ന്യൂയോർക്ക് : വാട്സാപ്പിനെ ഏറ്റെടുത്ത ഫേസ്ബുക്കിന് വിവരസുരക്ഷ മാനദണ്ഡങ്ങൾ പാലിക്കാത്തതിനെ തുടർന്ന് വൻപിഴ. യൂറോപ്യൻ യൂണിയനാണ് ഫേസ്ബുക്കിന് 122 മില്യൺ ഡോളർ ( ഏകദേശം 800 കോടി രൂപ ) പിഴയിട്ടത്.

2014 ൽ 19 ബില്യൺ യു എസ് ഡോളറിനാണ് ഫേസ്ബുക്ക് വാട്സാപ്പിനെ ഏറ്റെടുത്തത്. ഫേസ്ബുക്ക് വിവരങ്ങൾ വാട്സാപ്പുമായി പങ്കുവയ്ക്കുകയില്ലെന്നായിരുന്നു ഫേസ്ബുക്ക് യൂറോപ്യൻ കമ്മീഷനിൽ അറിയിച്ചിരുന്നത്. എന്നാൽ കഴിഞ്ഞ ആഗസ്റ്റിൽ വാട്സാപ്പ് വിവരങ്ങൾ ഫേസ്ബുക്കിൽ പങ്ക് വയ്ക്കുമെന്ന് കമ്പനി വ്യക്തമാക്കി .

ഇത് ഓൺലൈൻ പരസ്യ രംഗത്ത് മറ്റ് കമ്പനികളേക്കാൾ ഉയർന്ന വരുമാനമുണ്ടാക്കാൻ ഫേസ്ബുക്കിനെ സഹായിച്ചെന്ന് കമ്മീഷൻ വിലയിരുത്തി. യൂറോപ്യൻ യൂണിയന്റെ ലയന നിയമങ്ങൾ തെറ്റിച്ചതിനെ തുടർന്നാണ് ഫേസ്ബുക്കിന് പിഴയിടുന്നതെന്ന് കമ്മീഷൻ വ്യക്തമാക്കി.

2014 ൽ സമർപ്പിച്ച വിവരങ്ങളിൽ തെറ്റ് വരുത്തിയത് മനപൂർവ്വമല്ലെന്ന് ഫേസ്ബുക്ക് പറഞ്ഞു . നിയമമനുസരിച്ച് 276 മില്യൺ ഡോളർ പിഴയീടാക്കാ‍മായിരുന്നെങ്കിലും അന്വേഷണവുമായി നന്നായി സഹകരിച്ചതിനെ തുടർന്ന് പിഴ കുറച്ച് നൽകാൻ കമ്മീഷൻ തീരുമാനിക്കുകയായിരുന്നു.

184 Shares
 

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close