IndiaSports

മൂന്നാം ഏകദിനത്തിൽ ആറു വിക്കറ്റ് വിജയം : ഇന്ത്യക്ക് പരമ്പര

കാൻഡി : ശ്രീലങ്കയ്ക്കെതിരായ മൂന്നാം ഏകദിനത്തിൽ ഇന്ത്യക്ക് ഉജ്ജ്വല വിജയം .രോഹിത് ശർമയുടെ സെഞ്ച്വറിയുടേയും ക്യാപ്ടൻ എം എസ് ധോണിയുടെ അർദ്ധ സെഞ്ച്വറിയുടേയും സഹായത്തോടെയാണ് ഇന്ത്യ വിജയിച്ചത് .

ആദ്യം ബാറ്റ് ചെയ്ത ശ്രീലങ്ക നിശ്ചിത 50 ഓവറിൽ 9 വിക്കറ്റിന് 217 റൺസാണെടുത്തത്. 80 റൺസെടുത്ത തിരമാനെയാണ് ടോപ് സ്കോറർ . ജസ്പ്രീത് ബൂമ്ര ഇന്ത്യക്ക് വേണ്ടി അഞ്ച് വിക്കറ്റുകൾ വീഴ്ത്തി.

218 റൺസ് വിജയ ലക്ഷ്യവുമായി ഇറങ്ങിയ ഇന്ത്യക്ക് രോഹിത് ശർമയുടെ സെഞ്ച്വറിയാണ് തുണയായത് ., 4 വിക്കറ്റിന് 61 റൺസ് എന്ന നിലയിൽ നിന്ന് രോഹിതും ധോണിയും ചേർന്ന അഞ്ചാം വിക്കറ്റ് കൂട്ടുകെട്ട് ഇന്ത്യയെ വിജയത്തിലേക്ക് നയിക്കുകയായിരുന്നു.

145 പന്തിൽ 16 ഫോറുകളുടേയും 2 സിക്സറുകളുടേയും പിന്തുണയോടെയാണ് രോഹിത് 124 റൺസെടുത്ത് പുറത്താകാതെ നിന്നത് .നാലു ഫോറും ഒരു സിക്സുമടിച്ച ധോണി 86 പന്തിൽ 67 റൺസെടുത്ത് പുറത്താകാതെ നിന്നു.

ജയത്തിന് 8 റൺസ് അകലെ വച്ച് ശ്രീലങ്കൻ ആരാധകർ ഗ്രൗണ്ടിലേക്ക് കുപ്പികൾ വലിച്ചെറിഞ്ഞത് കളി കുറച്ച് നേരം തടസ്സപ്പെടുത്തി. ഈ വിജയത്തോടെ അഞ്ച് മത്സരങ്ങളുടെ പരമ്പരയിൽ 3-0 നു മുന്നിലായ ഇന്ത്യ പരമ്പരയും നേടി.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close