ഇന്ന് വിജയദശമി. വിജയദശമി ദിനത്തിൽ സംസ്ഥാനത്തൊട്ടാകെ ആയിരക്കണക്കിന് കുരുന്നുകൾ ഹരിശ്രീ കുറിക്കും.
ദക്ഷിണ മൂകാംബി എന്നറിയപ്പെടുന്ന കോട്ടയം പനച്ചിക്കാട്, ഭാഷാ പിതാവിന്റെ നാടായ തിരൂർ തുഞ്ചൻപറമ്പ്, തലസ്ഥാനത്തെ ഐരാണിമുട്ടം തുഞ്ചൻ സ്മാരകം, പൂജപ്പുര സരസ്വതീമണ്ഡപം എന്നിവിടങ്ങളിലും, മറ്റ് ദേവി ക്ഷേത്രങ്ങളിലും എഴുത്തിനിരുത്ത് ചടങ്ങുകൾ നടക്കും.
വിവിധയിടങ്ങളിലായി നടക്കുന്ന എഴുത്തിനിരുത്ത് ചടങ്ങുകൾക്ക് സാഹിത്യ-സാംസ്കാരിക രംഗത്തെ പ്രമുഖർ നേതൃത്വം നൽകും.
ജനം ടിവി നടത്തുന്ന വിദ്യാരംഭ ചടങ്ങുകൾ തൃശ്ശൂർ വിവേകോദയം സ് കൂളിൽ നടക്കും. എം.എ കൃഷ്ണന്, തുറവൂർ വിശ്വംഭരന്, ചേനാസ് ദിനേശൻ നമ്പൂതിരിപ്പാട്, ടി.എസ് പട്ടാഭിരാമന്, മാടമ്പ് കുഞ്ഞിക്കുട്ടന്, ഡോ. എം. ലക്ഷ്മികുമാരി, വേലായുധന് പണിക്കശ്ശേരി, പ്രൊഫ. ടി.എൻ സരസു, രാധാകൃഷ്ണന് കാക്കശ്ശേരി, ഹരീന്ദ്രന് മാസ്റ്റർ, കാണിപ്പയൂർ നാരായണന് നമ്പൂതിരിപ്പാട്, സ്വാമി പുരുഷോത്തമാനന്ദ സരസ്വതി തുടങ്ങിയ ആചാര്യൻമാർ കുട്ടികളെ എഴുത്തിനിരുത്തും.
