Sports

മിതാലി രാജ് നമ്പർ വൺ :സച്ചിന്റെ റെക്കോഡ് തകർത്ത് കോലി

ന്യൂഡൽഹി : ഐസിസി വനിത ഏകദിനക്രിക്കറ്റ് ബാറ്റിംഗ് റാങ്കിംഗിൽ ഇന്ത്യയുടെ മിതാലി രാജ് ഒന്നാമതെത്തി . ഓസ്ട്രേലിയയുടെ എല്ലിസ് പെറി ആണ് രണ്ടാം സ്ഥാനത്ത് . ഇന്ത്യയുടെ ഹർമൻ പ്രീത് കൗർ ആണ് ആറാം സ്ഥാനത്ത് . ആദ്യ പത്ത് സ്ഥാനങ്ങളിൽ മറ്റ് ഇന്ത്യക്കാരില്ല. ബൗളിംഗിൽ ഇന്ത്യയുടെ ജുലൻ ഗോസ്വാമി രണ്ടാം സ്ഥാനം നേടിയിട്ടുണ്ട്

ട്വെന്റിട്വെന്റിയിൽ മിതാലിക്ക് അഞ്ചാം സ്ഥാനമാണ് . വനിത ഓൾ റൗണ്ടർ റാങ്കിംഗിൽ ഇന്ത്യയുടെ ദീപ്തി ശർമ്മയ്ക്ക് ഏഴാം സ്ഥാനമാണ് ഉള്ളത് . അതേസമയം വനിത ടീം റാങ്കിംഗിൽ ഇന്ത്യ നാലാമതാണ് . ഓസ്ട്രേലിയയാണ് ഒന്നാം സ്ഥാനത്ത്.

പുരുഷ ക്രിക്കറ്റിൽ ബാറ്റിംഗ് ഏകദിന റാങ്കിംഗിൽ ഇന്ത്യൻ ക്യാപ്ടൻ വിരാട് കോലിയാണ് ഒന്നാം സ്ഥാനത്ത് . ആദ്യ പത്തിൽ ഇന്ത്യയുടെ രോഹിത് ശർമയാണ് കോലിയെ കൂടാതെ ഉൾപ്പെട്ടത് . രോഹിതിന് ഏഴാം സ്ഥാനമാണുള്ളത്. എകദിന ബൗളിംഗ് റാങ്കിംഗിൽ ആദ്യ പത്തിലുള്ളത് ജസ്പ്രീത് ബൂമ്രയും അക്ഷർ പട്ടേലുമാണ് . ബൂമ്ര മൂന്നാം സ്ഥാനത്തും പട്ടേൽ എട്ടാം സ്ഥാനത്തുമാണുള്ളത്.

ടെസ്റ്റ് റാങ്കിംഗിൽ ഓസ്ട്രേലിയൻ ക്യാപ്റ്റൻ സ്റ്റീവ് സ്മിത്താണ് ഒന്നാം സ്ഥാനത്ത്. നാല് ഇന്ത്യൻ ബാറ്റ്സ്മാന്മാർ ആദ്യ പത്തിൽ ഇടം നേടി . ചേതേശ്വർ പൂജാര നാലാമതും വിരാട് കോലി ആറാമതുമാണ് .ലോകേഷ് രാഹിൽ ആണ് എട്ടാം സ്ഥാനത്ത് . അജിങ്ക്യ രഹാനെ ഒൻപതാമതും. അതേ സമയം ടെസ്റ്റ് ബൗളിംഗിൽ ആദ്യ പത്തിൽ ഇന്ത്യയുടെ രവീന്ദ്ര ജഡേജ മാത്രമാണുള്ളത് . ജെയിംസ് ആൻഡേഴ്സണു പിന്നിൽ രണ്ടാമതാണ് ജഡേജ

ടിട്വെന്റി ബാറ്റിംഗിലും ബൗളിംഗിലും ഇന്ത്യക്കാരാണ് ഒന്നാമത് .വിരാട് കോലിയും ജസ്പ്രീത് ബൂമ്രയുമാണ് ഈ വിഭാഗത്തിൽ ഒന്നാമതെത്തിയത്. അതേ സമയം വിരാട് കോലി . ഏകദിനത്തിലെ ഏറ്റവും ഉയർന്ന റാങ്കിംഗ് സ്കോർ നേടിയ ഇന്ത്യക്കാരനായി . സച്ചിന്റെ റെക്കോഡാണ് കോലി തകർത്തത് . 1998 ൽ സച്ചിൻ 887 പോയിന്റ് നേടിയിരുന്നു . കോലിയുടെ ഇപ്പോഴത്തെ പോയിന്റ് 889 ആണ് .

 

 

 

 

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close