പനജി : ഗോവ ചലച്ചിത്രമേളക്ക് പ്രൗഢ ഗംഭീരതുടക്കം .ബോളിവുഡ് താരങ്ങളാല് സമ്പന്നമായിരുന്നു ഉദ്ഘാടന ചടങ്ങ്. ബോളിവുഡ് സൂപ്പര് താരം ഷാരൂഖ് ഖാന് വിശിഷ്ടാതിഥിയായിരുന്നു.
ഗോവ മുഖ്യമന്ത്രി മനോഹര് പരീക്കര്, കേന്ദ്ര മന്ത്രി സ്മൃതി ഇറാനി, രാധിക ആപ്തെ, രാജ് കുമാര് റാവു, ഷാഹിദ് കപൂര്, ശ്രീദേവി, എ ആര് റഹ്മമാന്, മജീദ് മജീദി എന്നിവർ പങ്കെടുത്തു.
പ്രശസ്ത ഇറാനിയന് സംവിധായകന് മജീദ് മജീദിയുടെ ‘ബിയോണ്ട് ദ ക്ലൗഡ്സ്’ ആയിരുന്നു ഉദ്ഘാടന ചിത്രം.ഇന്ത്യൻ പനോരമ കഥാചിത്ര വിഭാഗത്തിൽ 26 സിനിമകളും,കഥേതര വിഭാഗത്തിൽ 16 ചിത്രങ്ങളുമാണുള്ളത്.
ഇന്റര്കട്സ്- ലൈഫ് ആന്ഡ് ഫിലിംസ് ഓഫ് കെജി ജോര്ജ്ജ്, ജി എന്നീ മലയാള ചിത്രങ്ങള് ചിത്രങ്ങള് കഥേതര വിഭാഗത്തിലും,ടേക്ക് ഓഫ് എന്ന ചിത്രം കഥാചിത്ര വിഭാഗത്തിലുമുണ്ട്.
മത്സര വിഭാഗത്തില് 15 ചിത്രങ്ങളും ഇന്ത്യന് പനോരമ വിഭാഗത്തില് 42 ചിത്രങ്ങളും ലോക സിനിമാ വിഭാഗത്തില് 82 ചിത്രങ്ങളുമാണുള്ളത്.
കാനഡയില് നിന്നുള്ള എട്ട് ചിത്രങ്ങള് കണ്ട്രി ഫോക്കസ് വിഭാഗത്തില് പ്രദര്ശിപ്പിക്കുന്നുണ്ട്. കൂടാതെ ബ്രിക്സ് ഫിലിം ഫെസ്റ്റിവലില് പുരസ്കാരം നേടിയ 11 ചിത്രങ്ങളും മേളയിൽ പ്രദർശിപ്പിക്കും.
