മിലാൻ : ഇന്ത്യൻ ക്രിക്കറ്റ് ടീം ക്യാപ്ടൻ വിരാട് കോലിയും ബോളിവുഡ് താരം അനുഷ്ക ശർമ്മയും വിവാഹിതരായി. ഇറ്റലിയിലെ ഹെറിറ്റേജ് റിസോർട്ടായ ബോർഗോ ഫിനോച്ചിയേറ്റോയിൽ തിങ്കളാഴ്ച രാവിലെയായിരുന്നു വിവാഹം.
വിവാഹ ചടങ്ങുകൾക്കായി കഴിഞ്ഞയാഴ്ച തന്നെ കോലിയും അനുഷ്കയും ഇറ്റലിയിൽ എത്തിയിരുന്നു. ക്രിക്കറ്റ് രംഗത്ത് നിന്ന് സച്ചിനും യുവരാജിനും മാത്രമായിരുന്നു ക്ഷണം . സിനിമാ മേഖലയിൽ നിന്ന് ഷാരൂഖ് ഖാനേയും സൽമാൻ ഖാനേയും ക്ഷണിച്ചിരുന്നു. അടുത്ത ബന്ധുക്കളും വിവാഹത്തിൽ പങ്കെടുത്തു.ഡിസംബർ 26 ന് മുംബൈയിൽ ക്രിക്കറ്റ് താരങ്ങൾക്കായി വിവാഹ സത്കാരമുണ്ട്.
ഡിസംബറിൽ ശ്രീലങ്കയ്‌ക്കെതിരെ നടക്കുന്ന ഏകദിന പരമ്പരകയിൽ നിന്ന് തന്നെ ഒഴിവാക്കണമെന്ന് വിരാട് കോലി ആവശ്യപ്പെട്ടതോടെയാണ് വിവാഹത്തെക്കുറിച്ചുള്ള വാർത്തകൾക്ക് സ്ഥിരീകരണമായത് .വർഷങ്ങളായി അടുപ്പത്തിലായിരുന്ന ഇരുവരും 2015 ൽ പിരിഞ്ഞതായി വാർത്തകൾ വന്നുവെങ്കിലും വീണ്ടും ഒരുമിക്കുകയായിരുന്നു . കോലിയുടെ മോശം ഫോമിനെ തുടർന്ന് അനുഷ്കക്കെതിരെ വിമർശനങ്ങൾ ഉണ്ടായപ്പോൾ കോലി തന്നെ അനുഷ്കയ്‌ക്ക് വേണ്ടി രംഗത്തെത്തിയിരുന്നു.
