മൊഹാലി: ഇന്ത്യ – ശ്രീലങ്ക ഏകദിന പമ്പരയിലെ രണ്ടാമത്തെ മത്സരം ഇന്ന് മൊഹാലിയിൽ നടക്കും. ആദ്യ മത്സരത്തിൽ ശ്രീലങ്കയോട് പരാജയപ്പെട്ടതിനാൽ രണ്ടാം മത്സരം ഇന്ത്യയ്ക്ക് നിർണായകമാണ്.
മൊഹാലി ഏകദിനത്തിൽ കൂടി തോറ്റാൽ മൂന്ന് മത്സരങ്ങളുടെ പരമ്പര ഇന്ത്യയ്ക്ക് നഷ്ടമാകും.
ധരംശാലയിൽ നടന്ന ആദ്യ ഏകദിനത്തിൽ ഇന്ത്യക്ക് നാണംകെട്ട തോൽവിയാണ് ഏറ്റുവാങ്ങേണ്ടി വന്നത്. മത്സരത്തിൽ ഇന്ത്യൻ ബാറ്റിംഗ് നിര തകർന്നടിയുകയായിരുന്നു.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യക്ക് 112 റൺസ് എടുക്കുന്നതിനിടെ എല്ലാ വിക്കറ്റും നഷ്ടമായി. 29 റൺസിനിടെ ഏഴ് വിക്കറ്റ് നഷ്ടപ്പെട്ട ഇന്ത്യയെ അർദ്ധ സെഞ്ച്വറി നേടിയ എം എസ് ധോണിയാണ് 100 കടത്തിയത്. ഇന്ത്യൻ നിരയിൽ ഏഴ് ബാറ്റ്സ്മാന്മാരാണ് രണ്ടക്കം കാണാതെ പുറത്തായത്.
