കൊച്ചി : പുതുവത്സരാഘോഷങ്ങള്ക്ക് നിറം പകര്ന്ന് കൊച്ചിയില് ഇന്ന് കേരളാ ബ്ലാസ്റ്റേഴ്സ് ബംഗളൂരു എഫ് സി പോരാട്ടം . ബ്ലാസ്റ്റേഴ്സിന്റെ തട്ടകമായ കൊച്ചി ജവഹര്ലാല് നെഹ്റു സ്റ്റേഡിയത്തില് വൈകിട്ട് 5:30ന് മത്സരം ആരംഭിക്കും. ഹോം ഗ്രൗണ്ടിലെ ആദ്യ മൂന്നുകളികളും സമനിലയിലായതോടെ ബ്ലാസ്റ്റേഴ്സ് ആരാധകരെ തൃപ്തപെടുത്താന് ഇന്ന് ജയത്തില് കുറഞ്ഞൊന്നും മതിയാകില്ല.
പതിനഞ്ചുദിവസത്തേ ഇടവേളയ്ക്കുശേഷം കേരളാ ബ്ലാസ്റ്റേഴ്സ് കൊച്ചിയിലെ കളിത്തട്ടിലേക്ക് ഇറങ്ങുമ്പോള് കൊച്ചിയിലെ പുതുവത്സരാഘോഷങ്ങൾ കൂടുതല് വര്ണ്ണാഭമാകുകയാണ്. ചെന്നൈയില് ബാഗ്ളൂര് എഫ്സിക്കെതിരെ എവേ മത്സരത്തില് നേടിയ സമനിലയുടെ ആവേശത്തിലാണ് കൊച്ചി ബ്ളാസ്റേറഴ്സ് ഇന്ന് വീണ്ടും എഫ്സിയെ നേരിടുന്നത്.
ആറുമത്സരങ്ങള് പൂര്ത്തിയായപ്പോള് ഒരു ജയവും ഒരു പരാജയവും നാല് സമനിലയുമായി 7 പോയന്റോടെ എട്ടാമതാണ് ബ്ലാസ്റേറഴ്സ്സ്. ഇന്ന് വിജയിക്കാനായാല് 10 പോയന്റ് ഓടെ 6ാം ാനത്തേക്ക് ബ്ളാസ്റേറഴ്സിന് എത്താനാകും. വൈകിട്ട് 5. 30 നാണ് മത്സരം.
6 മണിയോടെ സ്റ്റേഡിയത്തിലേക്കുള്ള ഗേറ്റുകള് അടക്കും. 6 മണിക്കു ശേഷം ആര്ക്കും സ്റ്റേഡിയത്തിലേക്ക് പ്രവേശനം ഉണ്ടാകില്ല .ഉച്ചക്ക് 2 മണിയോടെ സ്റ്റേഡിയത്തിലേക്ക് കാണികളെ പ്രവേശിപ്പിച്ചു തുടങ്ങും. കാണികള് ബാഗുകള് ഒപ്പം കരുതുന്നത് നിരോധിച്ചിട്ടുണ്ട്. ഇന്ന് സ്റ്റേഡിയം ബോക്സ് ഓഫീസ് തുറക്കില്ല.
ടിക്കറ്റുകള് മുത്തൂറ്റ് ഫിന്കോര്പ്പിന്റെ കത്രിക്കടവ് ബ്രാഞ്ചു വഴി ലഭിക്കും. ഓണ്ലൈന് ടിക്കറ്റുകള് ഫിന്കോര്പ്പ് എം ജി റോഡ് ബ്രാഞ്ച് വഴി റെഡീം ചെയ്ത് ടിക്കറ്റാക്കി മാറ്റാവുന്നതാണ്.