സെഞ്ചൂറിയൻ: ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റിൽ ദക്ഷിണാഫ്രിക്കയ്ക്ക് മികച്ച തുടക്കം. സെഞ്ചൂറിയനിൽ ടോസ് നേടി ബാറ്റിംഗ് ആരംഭിച്ച ആതിഥേയർ നിലവിൽ വിക്കറ്റ് നഷ്ടമാകാതെ 46 റൺസ് എന്ന നിലയിലാണ്.
രണ്ടാം ടെസ്റ്റിൽ മൂന്ന് മാറ്റങ്ങളോടെയാണ് ഇന്ത്യ ഇറങ്ങിയത്. ഓപ്പണർ ശിഖർ ധവാൻ, വിക്കറ്റ് കീപ്പർ ബാറ്റ്സ്മാന്മാർ വൃദ്ധിമാൻ സാഹ, പേസർ ഭുവനേശ്വർ കുമാർ എന്നിവർക്ക് പകരം ലോകേഷ് രാഹുൽ, പാർത്ഥിവ് പട്ടേൽ, ഇഷാന്ത് ശർമ്മ എന്നിവർ ടീമിൽ ഇടം പിടിച്ചു.
അതേസമയം വൈസ് ക്യാപ്റ്റൻ അജിൻക്യ രഹാനെയെ രണ്ടാം ടെസ്റ്റിലും ഒഴിവാക്കി.
ആദ്യ മത്സരത്തിൽ 72 റൺസിന്റെ തോൽവി വഴങ്ങിയ ഇന്ത്യയ്ക്ക് പരമ്പര നേടാൻ ശേഷിക്കുന്ന രണ്ട് ടെസ്റ്റും ജയിച്ചേ തീരു.