ന്യൂഡൽഹി : ഇന്ത്യൻ ക്രിക്കറ്റ് ടീം ക്യാപ്ടൻ വിരാട് കോലിയെ ഐസിസി ക്രിക്കറ്റർ ഓഫ് ദ ഇയർ ആയി തെരഞ്ഞെടുത്തു.കഴിഞ്ഞ വർഷത്തെ എറ്റവും മികച്ച ഏകദിന താരവും വിരാട് കോലി തന്നെ . അതേ സമയം മികച്ച ടെസ്റ്റ് താരം ആസ്ട്രേലിയയുടെ സ്റ്റീവ് സ്മിത്താണ്.
കഴിഞ്ഞ വർഷം 77.80 ശരാശരിയിൽ 2203 റൺസ് ടെസ്റ്റിൽ കോലി നേടി . ഏകദിനത്തിൽ 82.63 ശരാശരിയിൽ 1818 റൺസും നേടി. സ്ട്രൈക്ക് റേറ്റ് 153 ഓടെ 299 റൺസ് ട്വെന്റി ട്വന്റിയിലും നേടിയിട്ടുണ്ട്.
32 ഏകദിന സെഞ്ച്വറികളും 21 ടെസ്റ്റ് സെഞ്ച്വറികളും 29 കാരനായ വിരാട് കോലിയുടെ അക്കൗണ്ടിലുണ്ട്. ഐസിസി ടെസ്റ്റ് ടീമിന്റെയും ഏകദിന ടീമിന്റെയും ക്യാപ്ടനായും കോലിയെത്തന്നെയാണ് തെരഞ്ഞെടുത്തിരിക്കുന്നത്.
