Kerala

കൊലപാതക കേസുകളിൽ ഡമ്മി പ്രതികൾ; സിപിഎമ്മിന്റെ സ്ഥിരം പരിപാടിയാണെന്ന് മുൻ പ്രവർത്തകൻ

കണ്ണൂർ: കണ്ണൂർ ജില്ലയിൽ സിപിഎം പ്രതിസ്ഥാനത്തുള്ള കൊലപാതകക്കേസുകളിൽ ജയിലിൽ കിടക്കാറുള്ളത് ഡമ്മിപ്രതികളാണെന്ന് വ്യക്തമാക്കി പാർട്ടിക്ക് വേണ്ടി ഡമ്മി പ്രതിയായി ജയിലിൽ കിടന്ന കണ്ണൂർ പാനൂർ സ്വദേശി രംഗത്ത്. ആർഎസ്എസ് പ്രവർത്തകനായ വിനയനെ കൊലപ്പെടുത്തിയ കേസിലാണ് ഡമ്മിപ്രതിയായി പാർട്ടി തന്നെ കുടുക്കി ജയിലാക്കിയതെന്ന് പാനൂർ ചമ്പാട് സ്വദേശി മനീഷ് പറയുന്നു. പാർട്ടിയുടെ നിരന്തരമുള്ള ജനവിരുദ്ധ നയങ്ങളിൽ പ്രതിഷേധിച്ച് പിന്നീട് മനീഷ് പാർട്ടി വിടുകയായിരുന്നു.

സിപിഎം പ്രതിസ്ഥാനത്തുള്ള കൊലപാതകക്കേസുകളിൽ പലപ്പോഴും യഥാർഥ പ്രതികൾക്ക് പകരം ജയിലിൽ ആകുന്നത് ഡമ്മി പ്രതികളാണെന്ന് മുമ്പ് തന്നെ ആരോപണം ഉയർന്നിരുന്നു. ഇത് വ്യക്തമാക്കുന്ന വിവരവുമായാണ് പാനൂർ ചമ്പാട് സ്വദേശി മനീഷ് രംഗത്ത് വന്നത്. 2009ൽ പാനൂരിൽ ആർ.എസ്.എസ് പ്രവർത്തനായ കുറ്റിച്ചിറക്കര വിനയനെ കൊലപ്പെടുത്തിയ കേസിൽ പാർട്ടിയുടെ ഡമ്മി പ്രതിയായിരുന്നു താനെന്ന് ഇദ്ദേഹം വ്യക്തമാക്കുന്നു. ചെയ്യാത്ത കുറ്റത്തിന് പാർട്ടിയുടെ വാക്ക് കേട്ട് ആറ് മാസം ഒളിവിലും പിന്നീട് രണ്ട് മാസം ജയിലിലും ഇദ്ദേഹം കിടന്നു.

പാർട്ടിക്കുള്ളിൽ വിമത സ്വരമുയർത്തുന്നവരെയും ഇത്തരത്തിൽ കൊലപാതകക്കേസുകളിൽ പാർട്ടി തന്നെ കുടുക്കാറുണ്ടെന്നും ഇദ്ദേഹം പറയുന്നു. സിപിഎമ്മിന്റെ ജനവിരുദ്ധ നിലപാടുകളിൽ പ്രതിഷേധിച്ച് പാർട്ടി വിട്ടതിനെത്തുടർന്ന് നാല് തവണ മനീഷിന് നേരെ വധശ്രമവുമുണ്ടായി.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close