വഡോദര : അമർനാഥ് തീർത്ഥാടകർക്ക് ബുള്ളറ്റ് പ്രൂഫ് ജാക്കറ്റുകൾ നിർബന്ധമാക്കുന്നു.തീർത്ഥാടകർക്ക് നേരെ ഭീകരാക്രമണങ്ങൾ ഉണ്ടാകുന്ന പശ്ചാത്തലത്തിലാണ് പുതിയ തീരുമാനം.
അമർനാഥ് യാത്ര സംഘടിപ്പിക്കുന്ന ടൂര്ബസ് ഓപ്പറേറ്റര്മാരോട് ഗുജറാത്തിലെ ആഭ്യന്തര വകുപ്പ് ഇക്കാര്യം പ്രത്യേകം നിര്ദേശിച്ചിട്ടുണ്ട്.
തീര്ത്ഥാടകരുടെ സുരക്ഷാ കാര്യങ്ങള് മുന്നോട്ടു വയ്ക്കുന്നത് സര്ക്കാര് നിര്ദേശിച്ച ഉപദേശക സമിതിയാണ്.
നിര്ദേശങ്ങള് എട്ടുമാസത്തിനുള്ളില് പാലിക്കപ്പെട്ടിരിക്കണമെന്ന കർശന നിർദേശവും നൽകിയിട്ടുണ്ട്.അല്ലാത്തപക്ഷം തീർത്ഥാടനത്തിന് അനുമതി നിഷേധിക്കും.
ഓരോ വർഷവും പതിനായിരത്തിൽ പരം തീർത്ഥാടകരാണ് അമർനാഥിലെത്തുന്നത്.ഇവരുടെ സുരക്ഷ ഉറപ്പിക്കുന്നതിന്റെ ഭാഗമായാണ് ഗുജറാത്ത് സർക്കാരിന്റെ പുതിയ നിർദേശം.
ഗുജറാത്തിൽ നിന്നുള്ള ഏഴു തീര്ത്ഥാടകര് അമര്നാഥ് യാത്രയ്ക്കിടെ ജമ്മുകശ്മീരിലെ ആനന്ദ്നാഗില് കഴിഞ്ഞ വര്ഷം കൊല്ലപ്പെട്ടിരുന്നു.