Movie

‘അമ്മ’യുടെ അദ്ധ്യക്ഷ സ്ഥാനം ഒഴിയുകയാണെന്ന് ഇന്നസെന്റ്

കൊച്ചി: താരസംഘടനയായ അമ്മയുടെ അദ്ധ്യക്ഷനാകാൻ ഇനി താനില്ലെന്ന് നടനും എംപിയുമായ ഇന്നസെന്റ്. തനിക്ക് ഒരുപാട് പ്രശ്നങ്ങളും തിരക്കുകളുമുണ്ട്. അതിനാൽ ഇനി അദ്ധ്യക്ഷ പദവി ഏറ്റെടുക്കാനാവില്ല. കഴിഞ്ഞ നാല് ടേമുകളിലും അദ്ധ്യക്ഷ സ്ഥാനത്തു നിന്ന് തന്നെ മാറ്റണമെന്ന് അഭ്യർത്ഥിച്ചിട്ടുണ്ട്. എന്നാൽ സമ്മർദ്ദത്തിന്റെ പുറത്ത് തുടരുകയായിരുന്നുവെന്നും അദ്ദേഹം പറഞ്ഞു.

2015 മുതൽ 2018 ജൂൺ വരെയാണ് നിലവിലുള്ള കമ്മറ്റിയുടെ കാലാവധി. ഇന്നസെന്റിന്റെ ആവശ്യം പരിഗണിച്ചാൽ ജൂലൈയിൽ നടക്കുന്ന ജനറൽ ബോഡിയിൽ പുതിയ കമ്മിറ്റി രൂപീകരിക്കും.

17 വർഷം തുടർച്ചായി പ്രസിഡന്റായതിന് ശേഷമാണ് ഇന്നസെന്റ് പടിയിറങ്ങാനൊരുങ്ങുന്നത്. നിലവിൽ ഇന്നസെന്റിന്റെ അഭാവമുണ്ടാകുമ്പോൾ സെക്രട്ടറിയായ ഇടവേള ബാബുവാണ് സംഘടനയുടെ കാര്യങ്ങൾ നോക്കുന്നത്. അതിനാൽ ഇടവേള ബാബു അടുത്ത അദ്ധ്യക്ഷനാകും എന്നാണ് സൂചന. യുവതാരങ്ങളും സംഘടനയുടെ തലപ്പത്തേക്ക് വരുമെന്നും സൂചനയുണ്ട്.

ജൂണിൽ സംഘടനയിലെ സ്ഥാനമൊഴിയുമെന്ന് കഴിഞ്ഞ ഡിസംബറിലും ഇന്നസെന്റ് വ്യക്തമാക്കിയിരുന്നു. ജൂണിൽ നടക്കുന്ന തെരഞ്ഞെടുപ്പിൽ താൻ മത്സരിക്കില്ലെന്നും. അമ്മയുടെ പ്രസിഡന്റാകാൻ തന്നെക്കാൾ യോഗ്യതയുള്ളവർ വേറെയുണ്ടെന്നും അവർ പ്രസിഡന്റാകട്ടെയെന്നും ഇന്നസെന്റ് പറഞ്ഞിരുന്നു.

നടി ആക്രമിക്കപ്പെട്ട കേസിൽ ഇന്നസെന്റ് സ്വീകരിച്ച നിലപാട് ഏറെ വിമർശനങ്ങൾക്ക് വഴിവെച്ചിരുന്നു. യുവതാരങ്ങളുടെയടക്കം സമ്മർദ്ദത്തിന് വഴങ്ങിയായിരുന്നു ദിലീപിനെതിരെ നടപടിയെടുക്കാൻ ഇന്നസെന്റ് നിർബന്ധിതനായത്.

767 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close