കൊൽക്കത്ത: ഐപിഎല്ലിൽ സൺറൈസേഴ്സ് ഹൈദരാബാദിന്റെ മികവ് തുടരുന്നു. ഇന്നലെ നടന്ന മത്സരത്തിൽ അവർ അഞ്ച് വിക്കറ്റിന് കൊൽക്കത്ത നൈറ്റ് റൈഡേഴ്സിനെ തോൽപ്പിച്ചു. കൊൽക്കത്ത ഉയർത്തിയ 139 റൺസിന്റെ വിജയലക്ഷ്യം ഒരു ഓവർ ശേഷിക്കെ അവർ മറികടന്നു.
50 റൺസെടുത്ത ക്യാപ്റ്റൻ കെയിൻ വില്യംസനാണ് ടോപ് സ്കോറർ.
ആദ്യം ബാറ്റുചെയ്ത കൊൽക്കത്തയ്ക്ക് 8 വിക്കറ്റ് നഷ്ടത്തിൽ 138 റൺസെടുക്കാനേ കഴിഞ്ഞുള്ളു. മൂന്നുവിക്കറ്റ് വീഴ്ത്തിയ ഭുവനേശ്വർ കുമാറും രണ്ട് വിക്കറ്റുവീതം നേടിയ ഷാക്കിബ് അൽ ഹസനും ബില്ലി സ്റ്റാൻലേക്കും കൊൽക്കത്തയെ വരിഞ്ഞ് കെട്ടുകയായിരുന്നു.
പോയിന്റ് പട്ടികയിൽ മൂന്ന് ജയത്തോടെ സൺറൈസേഴ്സാണ് മുന്നിൽ
