പത്തനംതിട്ട: നീരേറ്റുപുറത്ത് നടക്കുന്ന 68-ാമത് ഉത്രാടം തിരുനാൾ പമ്പ വള്ളംകളിക്ക് കേന്ദ്ര ടൂറിസം വകുപ്പ് 10 ലക്ഷം രൂപ ധനസഹായം അനുവദിച്ചു. വള്ളംകളിക്ക് സാമ്പത്തിക സഹായം ലഭ്യമാക്കണമെന്ന് ആവശ്യപ്പെട്ട് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ, കേന്ദ്ര ടൂറിസം സഹമന്ത്രി സുരേഷ് ഗോപിക്ക് കത്ത് നൽകിയിരുന്നു. ഇതിന്റെ അടിസ്ഥാനത്തിലാണ് ധനസഹായം അനുവദിച്ചത്.
കേരളത്തിന്റെ സാംസ്കാരിക പാരമ്പര്യങ്ങളും പരമ്പരാഗത ആഘോഷങ്ങളും സംരക്ഷിക്കുന്നതിനും പ്രോത്സാഹിപ്പിക്കുന്നതിനും കേന്ദ്ര സർക്കാർ പിന്തുണ നൽകുന്നതിന്റെ ഭാഗമായാണ് ധനസഹായം.
