Indian Premier LeagueSports

കൊൽക്കത്തയ്ക്ക് തുടർച്ചയായ രണ്ടാം ജയം

ജയ്പൂർ: ഐപിഎല്ലിൽ കൊൽക്കത്ത നൈറ്റ് റൈഡേഴ്സിന് തുടർച്ചയായ രണ്ടാം ജയം. ജയ്പൂരിൽ നടന്ന മത്സരത്തിൽ രാജസ്ഥാൻ റോയൽസിനെ 7 വിക്കറ്റിനാണ് കൊൽക്കത്ത കീഴടക്കിയത്. രണ്ട് വിക്കറ്റും 35 റൺസുമായി കൊൽക്കത്തയ്ക്ക് ജയമൊരുക്കിയ നിതീഷ് റാണയാണ് കളിയിലെ താരം.

161 റൺസ് വിജയലക്ഷ്യം കൊൽത്തയ്ക്ക് വെല്ലുവിളിയായില്ല. മുന്നിൽ നിന്ന് പട നയിച്ച് റോബിൻ ഉത്തപ്പയും സുനിൽ നരൈനും. ഫിനിഷിംഗ് മികവുമായി നിതീഷ് റാണയും ദിനേശ് കാർത്തിക്കും. കൊൽക്കത്തയ്ക്ക് അനായാസ ജയം.

ആദ്യം ബാറ്റ് ചെയ്ത രാജസ്ഥാന് അജിങ്ക്യാ രഹാനെ മികച്ച തുടക്കം നൽകിയെങ്കിലും മധ്യനിരയ്ക്ക് മുതലാക്കാനായില്ല. കഴിഞ്ഞ മത്സരങ്ങളിൽ തകർത്തടിച്ച സഞ്ജു വി സാംസൺ 7 റൺസിന് പുറത്തായി. അവസാന ഓവറുകളിൽ ജോസ് ബട്‍‍ലർ പൊരുതിയെങ്കിലും രാജസ്ഥാന് നേടാനായത് എട്ട് വിക്കറ്റിന് 160 റൺസ് മാത്രം.

ക്രിസ് ലിനെ തുടക്കത്തിലെ നഷ്ടമായെങ്കിലും നരൈനും ഉത്തപ്പയും കൊൽക്കത്തയ്ക്ക് മികച്ച അടിത്തറ നൽകി. നരൈൻ 35 ഉം ഉത്തപ്പ 48 ഉം റൺസ് എടുത്തു. ദിനേശ് കാർത്തിക്ക് 42 ഉം നിതീഷ് റാണ 35 ഉം റൺസുമായി പുറത്താകാതെ നിന്നു.

154 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close