ന്യൂഡൽഹി : ഇംഗ്ലണ്ടിൽ വെച്ചുനടക്കുന്ന ടെസ്റ്റ് പരമ്പരയിൽ ഋഷഭ് പന്തടങ്ങുന്ന 18 അംഗ ടീമിനെ പ്രഖ്യാപിച്ചു. അഞ്ച് ടെസ്റ്റ് സീരിസിലെ ആദ്യത്തെ 3 മത്സരങ്ങളിലാണ് ഋഷഭ് പന്ത് കളിക്കുക.ഇന്ത്യൻ ക്രിക്കറ്റിലെ യുവതരംഗമായ ഋഷഭ് പന്തിനെ ആദ്യമായാണ് ടീമിലേക്ക് വിളിച്ചിരിക്കുന്നത് പരിക്ക് പറ്റിയ ഭുവനേശ്വർ കുമാറിന്റെ കാര്യത്തിൽ തീരുമാനമായിട്ടില്ല.അതേസമയം പരിക്കുപറ്റിയ ജപ്രീത് ബൂംമ്രയെ ടീമിൽ ഉൾപ്പെടുത്തിയിട്ടുണ്ട്.പരിക്ക് മാറിയാൽ ഭുവനേശ്വർ കുമാറിനെ ടീമിൽ ഉൾപ്പെടുത്തിയേക്കും.
ഇംഗ്ലണ്ടിലെ ലീഡ്സിൽ ചേർന്ന സെലക്ഷൻ കമ്മറ്റിയാണ് ടീമിനെ പ്രഖ്യാപിച്ചത്.രഹാനെയാണ് വൈസ് ക്യാപ്റ്റൻ .വൃദ്ധിമാൻ സാഹക്ക് പരിക്ക് പറ്റിയതിനാൽ പകരമായി ഋഷഭ് പന്ത് രണ്ടാം വിക്കറ്റ് കീപ്പറും ദിനേശ്കാർത്തിക് മുഖ്യ വിക്കറ്റ് കീപ്പറുമാകും.
പുറംവേദനമൂലം ബുദ്ധിമുട്ടുന്ന ഭുവനേശ്വർ കുമാർ മൂന്നാം ഏകദിനത്തിൽ കളിച്ചിരുന്നു.
ഇന്ത്യൻ ടീം ഇങ്ങനെ
വിരാട് കോഹ്ലി (ക്യാപ്റ്റൻ )അജിങ്ക്യ രഹാനെ (വൈസ് ക്യാപ്റ്റൻ), ശിഖർ ധവാൻ, ലോകേഷ് രാഹുൽ, മുരളി വിജയ്, ചേതേശ്വർ പൂജാര, കരുൺ നായർ, ദിനേഷ് കാർത്തിക് (വിക്കറ്റ് കീപ്പർ), ഋഷഭ് പന്ത് (വിക്കറ്റ് കീപ്പർ), രവിചന്ദ്രൻ അശ്വിൻ, രവീന്ദ്ര ജഡേജ, കുൽദീപ് യാദവ്, ഹാർദിക് പാണ്ഡ്യ, ഇഷാന്ത് ശർമ, മുഹമ്മദ് ഷാമി, ഉമേഷ് യാദവ്, ജസ്പ്രീത് ബുംമ്ര, ഷാർദുൽ താക്കൂർ.