ലണ്ടന്: ചരിത്ര നേട്ടവുമായി ഇന്ത്യന് വനിത ഹോക്കി ടീം. ലോകകപ്പില് ഇറ്റലിയെ പരാജയപ്പെടുത്തി ഇന്ത്യന് വനിതകള് ക്വാര്ട്ടര് ഫൈനലിലെത്തി. എതിരില്ലാത്ത മൂന്ന് ഗോളിനാണ് ഇന്ത്യയുടെ വിജയം. ലാല്റെംസിയാമി(9), നേഹ ഗോയല്(45), വന്ദന കതാരിയ(55) എന്നിവരാണ് ഇന്ത്യക്ക് വേണ്ടി ഗോളുകള് നേടിയത്.
40 വര്ഷത്തിന് ശേഷമാണ് ഇന്ത്യ ഹോക്കി ലോകകപ്പിന്റെ ക്വാര്ട്ടര് ഫൈനലിലെത്തുന്നത്. 1978 മാഡ്രിഡ് ലോകകപ്പിലാണ് ഇതിന് മുമ്പ് ഇന്ത്യ അവസാന എട്ടിലെത്തിയത്. ഏഴാം സ്ഥാനമാണ് അന്ന് നേടിയത്.
അയര്ലന്റാണ് ക്വാര്ട്ടറില് ഇന്ത്യയുടെ എതിരാളി. പൂള് ഘട്ടത്തില് അയര്ലന്ഡ് ഇന്ത്യയെ തോല്പ്പിച്ചിരുന്നു. അതുകൊണ്ടുതന്നെ ഈ മത്സരം ശ്രദ്ധേയമാകും.