തിരുവനന്തപുരം: വിശ്വശാന്തി ഫൗണ്ടേഷന്റെ രണ്ടാം ഘട്ട പ്രളയ ദുരിതാശ്വാസ പ്രവര്ത്തനങ്ങള്ക്ക് കൊച്ചിയില് തുടക്കമായി. പ്രളയം കുടുതല് ദുരിതം വിതച്ച പത്തനംതിട്ട ജില്ലയിലെ ആറന്മുള, അയിരൂര് മേഖലകളിലും ആലപ്പുഴയിലെ നെടുമുടിയിലുമാണ് രണ്ടാം ഘട്ടത്തില് സഹായം എത്തുന്നത്. കൊച്ചിന് പോര്ട്ട് ട്രസ്റ്റ് ഗോഡൗണില് നിന്നും സാധനങ്ങളുമായി പോകുന്ന വാഹനങ്ങളുടെ വാഹനങ്ങളുടെ ഫ്ളാഗ് ഓഫ് ചടങ്ങ് ഫൗണ്ടേഷന് ചെയര്മാന് കൂടിയായ മോഹന്ലാല് നിര്വഹിച്ചു.
വിശ്വശാന്തിയുടെ ദുബായ് വോളണ്ടിയേഴ്സായ ലാല് കെയേഴ്സിന്റെ നേതൃത്വത്തില് 3 കണ്ടെയ്നറുകളിലായി 3 കോടി രൂപയിലധികം വിലവരുന്ന സാധനങ്ങളാണ് കൊച്ചിയില് എത്തിച്ചത്. ദുരിതാശ്വാസ പ്രവര്ത്തനങ്ങളുടെ 3ാംഘട്ട പ്രവര്ത്തനം തിരുവന്തപുരത്ത് നടത്തുമെന്നും മോഹന്ലാല് അറിയിച്ചു.
