തിയേറ്ററിലെത്തുന്നതിനു മുൻപ് തന്നെ പ്രേക്ഷക ശ്രദ്ധ നേടിയ തീവണ്ടി എന്ന ചിത്രത്തിലെ ജീവാംശമായി എന്ന ഗാനത്തിന്റെ നൃത്താവിഷ്കാരവും ശ്രദ്ധേയമാകുന്നു. കോട്ടയം സ്വദേശിയായ അഞ്ജലി ഹരിയാണ് ജീവാംശമായി ഗാനത്തിന്റെ നൃത്താവിഷ്കാരവുമായെത്തിയത്.
നൃത്ത വിദ്യാലയമായ കലാകൈരളിയിലെ ശിഷ്യർക്ക് മുൻപിൽ അഞ്ജലി അവതരിപ്പിച്ച നൃത്തം ഇപ്പോൾ ഹിറ്റ് ചാർട്ടിലേക്ക് കുതിക്കുകയാണ്. മുൻപും ചില പാട്ടുകൾക്ക് നൃത്താവിഷ്കാരം നൽകിയിരുന്നെങ്കിലും പ്രേക്ഷകശ്രദ്ധയാകർഷിക്കപ്പെടുന്നത് ഇതാദ്യമായാണ്. നൃത്തത്തിന്റെ വീഡിയോ ഫെയ്സ്ബുക്കില് കണ്ട തീവണ്ടിയുടെ സംഗീത സംവിധായകന് കൈലാസ് മേനോന് അഞ്ജലിയെ അഭിനന്ദിച്ചിരുന്നു.
ജീവാംശമായി……. താനേ…….. കേട്ടപ്പോൾ മുതൽ അറിയാതെ മൂളിയ ഈ പാട്ടിനോട് തോന്നിയൊരിഷ്ടവും എന്റെ കുട്ടികളുടെ ആഗ്രഹവും /ചലഞ്ചും , പിന്നെ ഇന്നലെ #തീവണ്ടി #Theevandi കണ്ടിറങ്ങിയപ്പോൾ Tovino Thomas എന്ന നടനോട് തോന്നിയ അംഗീകാരവും………. പെട്ടെന്നു ചെയ്തതാണ് …………#Dance #Cover #Jeevamshamayi #viral #classical #Anjali #Hari
Posted by Kalakalari on Sunday, September 16, 2018
ഡോ പദ്മ സുബ്രമഹ്ണ്യത്തിന്റെ ശിഷ്യ കൂടിയായ അഞ്ജലി എം എഫ് എ ഭരതനാട്യം വിദ്യാർത്ഥിനി കൂടിയാണ്. തന്റേതായ ശൈലി നൃത്തരംഗത്ത് പിൻതുടരാനാണ് ആഗ്രഹമെന്നും പ്രക്ഷകരുടെ പ്രേത്സാഹനത്തിൽ സന്തോഷമുണ്ടെന്നും അഞ്ജലി പ്രതികരിച്ചു.