കൊല്ക്കത്ത: പശ്ചിമ ബംഗാളില് പോലിസ് വെടിവയ്പ്പില് രണ്ട് എ.ബി.വി.പി. പ്രവര്ത്തകര് കൊല്ലപ്പെട്ടതില് പ്രതിഷേധിച്ച് ബി.ജെ.പി. സംസ്ഥാനത്ത് ആഹ്വാനം ചെയ്ത ബന്ദ് ആരംഭിച്ചു. രാവിലെ ആറ് മുതല് വൈകിട്ട് ആറ് വരെയാണ് ബന്ദ്. ഇസ്ളാംപൂരിലെ ഒരു സ്കൂളില് അദ്ധ്യാപകരെ നിയമിക്കുന്നതുമായി ബന്ധപ്പെട്ട് ഉണ്ടായ വിഷയത്തില് പ്രതിഷേധിച്ച വിദ്യാര്ഥികള്ക്ക് നേരേയാണ് പോലിസ് വെടിയുതിര്ത്തത്. കഴിഞ്ഞ സെപ്തംബര് 20നായിരുന്നു സംഭവം. രാജേഷ് സര്ക്കാര്, തപസ് ബര്മന് എന്നീ വിദ്യാര്ത്ഥികളാണ് കൊല്ലപ്പെട്ടത്.