ദുബായ്: ഏഷ്യകപ്പില് ബംഗ്ലാദേശിനെ മൂന്ന് വിക്കറ്റിന് തകര്ത്ത് ഇന്ത്യക്ക് ഏഴാം കിരീടം. ബംഗ്ലാദേശ് ഉയര്ത്തിയ 223 റണ്സ് വിജയലക്ഷ്യം ഇന്ത്യ അവസാന പന്തിലാണ് നേടിയത്. അവസാന പന്തുവരെ ആവേശം നീണ്ടുനിന്ന മത്സരത്തില് ഇഞ്ചോടിഞ്ച് പോരാട്ടമാണ് നടന്നത്. 48 റണ്സെടുത്ത നായകന് രോഹിത് ശര്മ്മയാണ് ഇന്ത്യയുടെ ടോപ് സ്കോറര്. ദിനേശ് കാര്ത്തിക്(37) മഹേന്ദ്രസിംഗ് ധോണി എന്നിവരും ഭേദപ്പെട്ട പ്രകടനം പുറത്തെടുത്തു. കേദാര് ജാദവും(23) അഞ്ച് റണ്സെടുത്ത കുല്ദീപുമായിരുന്നു വിജയറണ് നേടുമ്പോള് ക്രീസില്.
രവീന്ദ്ര ജഡേജ (23) ഭുവവനേശ്വര് കുമാര് (21) എന്നിവരുടെ ഇന്നിങ്സുകള് അവസാന നിമിഷം ഇന്ത്യയ്ക്ക് രക്ഷയായി. ഓപ്പണിങ് വിക്കറ്റില് 35 റണ്സ് ചേര്ത്ത ശേഷം ധവാനാണ് ആദ്യം പുറത്തായത്. 15 റണ്സെടുത്ത ധവാനെ നസ്മുള് ഇസ്ലാം പുറത്താക്കി. തൊട്ടുപിന്നാലെ മികച്ച ഫോമിലുളള അമ്പാട്ടി റായിഡുവിനെ(2) മഷ്റഫി മുര്ത്താസ മടക്കി.
നാലാമനായി ക്രീസിലെത്തിയ ദിനേശ് കാര്ത്തിക്കിനെ കൂട്ടുപിടിച്ച് സ്കോര് ഉയര്ത്തുന്നതിനിടെ രോഹിത്തിനെ റൂബല് ഹുസൈന് പുറത്താക്കി. 55 പന്തില് നിന്ന് മൂന്ന് സിക്സറും മൂന്ന് ബൗണ്ടറിയും ഉള്പ്പെടെ 48 റണ്സെടുത്താണ് രോഹിത്ത് പുറത്തായത്. പിന്നാലെ ധോണിയും കാര്ത്തിക്കും ചേര്ന്ന കൂട്ടുകെട്ട് ഇന്ത്യയെ തകര്ച്ചയില് നിന്ന് കരകയറ്റി. സ്കോര് 137ല് നില്ക്കെ കാര്ത്തിക്കിനെ മഹ്മദുള്ള വീഴ്ത്തി. പിന്നീട് 36 റണ്സെടുത്ത ധോനിയും പുറത്തായി. ഒടുവില് വന്ന രവീന്ദ്ര ജഡേജ-ഭുവനേശ്വര് സഖ്യം ഇന്ത്യയെ വിജയത്തിലെത്തിക്കുകയായിരുന്നു.
ആദ്യം ബാറ്റ് ചെയ്ത ബംഗ്ലാദേശ്, ഓപ്പണര് ലിറ്റണ് ദാസിന്റെ സെഞ്ചുറിക്കരുത്തിലാണ് 48.3 ഓവറില് 222 റണ്സെടുത്തത്. ആദ്യ ഏകദിന സെഞ്ചുറി നേടിയ ലിറ്റണ് 117 പന്തില് 121 റണ്സെടുത്തു. ഇന്ത്യക്കായി കുല്ദീപ് മൂന്നും കേദാര് രണ്ടും വിക്കറ്റ് വീഴ്ത്തി. ഓപ്പണര് മെഹിദി ഹസനെ(32) കേദാര് ജാദവ് പുറത്താക്കി. പിന്നാലെ രണ്ട് റണ്സുമായി കയീസും വീണു. കഴിഞ്ഞ മത്സരത്തില് തിളങ്ങിയ മുഷ്ഫീഖറിന് ഇത്തവണ നേടാനായത് അഞ്ച്. മിഥുന് രണ്ടും മെഹ്മദുള്ള നാലും റണ്സിന് പുറത്തായി. ആറാമനായി സെഞ്ചുറി വീരന് ലിറ്റണ് പുറത്തായശേഷം തിളങ്ങിയത് സര്ക്കാര്(33) മാത്രം. മൊര്ത്താസ(7), നസ്മുല്(7), റൂബേല്(0) എന്നിങ്ങനെയായിരുന്നു മറ്റ് താരങ്ങളുടെ സ്കോര്.