Movie

തെന്നിന്ത്യന്‍ താരസുന്ദരി നിത്യാ മേനോന്‍ അരിസ്‌റ്റോ സുരേഷിന്റെ നായികയാകുന്നു

അരിസ്‌റ്റോ സുരേഷിന് നായികയായി തെന്നിന്ത്യന്‍ സൂപ്പര്‍ നായിക നിത്യാ മേനോന്‍ എത്തുന്നു. ടികെ രാജീവ് കുമാര്‍ സംവിധാനം ചെയ്യുന്ന കോളാമ്പിയാണ് ചിത്രം. ചിത്രത്തില്‍ ആംപ്ലിഫയര്‍ നാണു എന്ന കഥാപാത്രമായാണ് അരിസ്‌റ്റോ സുരേഷ് വേഷമിടുന്നത്. നീണ്ട ഇടവേളയ്ക്ക് ശേഷമാണ് നിത്യാ മേനോന്‍ മലയാള സിനിമയിലേക്ക് മടങ്ങിയെത്തുന്നത്.

ഉച്ചഭാഷിണി നിരോധിച്ചതോടെ ബന്ധപ്പെട്ടമേഖലയില്‍ ജോലിചെയ്യുന്ന ആള്‍ക്കാരുടെ ജീവിതസാഹചര്യങ്ങളില്‍ ഉണ്ടാകുന്ന വ്യതിചലനങ്ങളാണ് കോളാമ്പിയില്‍ ചര്‍ച്ച ചെയ്യുന്നത്.

നിര്‍മാല്യം സിനിമയുടെ ബാനറില്‍ രൂപേഷ് ഓമന ആണ് ചിത്രം നിര്‍മ്മിക്കുന്നത്. രഞ്ജി പണിക്കര്‍ , ദിലീഷ് പോത്തന്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. രവി വര്‍മന്‍ ആണ് ഛായാഗ്രഹണം. രമേഷ് നാരായണനാണ് സംഗീത സംവിധാനം. ശബ്ദസംവിധാനം റസൂല്‍ പൂക്കുട്ടി.
കോളാമ്പിയില്‍ അഭിനയിക്കുന്ന വിവരം ഫെയ്‌സ് ബുക്ക് പോസ്റ്റിലൂടെ നിത്യാ മേനോന്‍ പങ്കുവെച്ചിരുന്നു.

315 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close