1997 ല്പുറത്തിറങ്ങിയ അനിയത്തിപ്രാവ് എന്ന ചിത്രത്തിലൂടെ പ്രേക്ഷകരുടെ ഹൃദയത്തില് ചേക്കേറിയ ചോക്ലേറ്റ് ഹീറോ ആണ് കുഞ്ചാക്കോ ബോബന്. ഒരു ഇടവേളയ്ക്കു ശേഷം സിനിമയില് സജീവമായ കുഞ്ചാക്കോ ആഭിനയിച്ച ചിത്രങ്ങള് പഴയതിലും ആവേശത്തോടെ ആണ് പ്രേക്ഷകര് സ്വീകരിച്ചത്. എന്നാല് എല്ലാവരെയും അത്ഭുതപ്പെടുത്തിയത് ചാക്കോച്ചന് ഒരു മാറ്റവും ഇല്ലെന്നതായിരുന്നു. ഇന്നും അനിയത്തിപ്രാവിലെ ചുള്ളന് പയ്യന്.
നവംബര് 2 ന് ചാക്കോച്ചന് 42 വയസ്സ് തികഞ്ഞു. മലയാളസിനിമയില് ഏറ്റവും കൂടുതല് പ്രാവശ്യം കോളേജ് കുമാരനായി അഭിനയിച്ച നായകന് ഇന്നും ടീനേജ് ലുക്ക്.
പിറന്നാള് ദിനത്തില് തന്നെ ആയിരുന്നു ചാക്കോച്ചന്റെ പുതിയ ചിത്രം തട്ടിന് പുറത്തെ അച്യുതനിലെ ഗാനം പുറത്തു വന്നത്. മനോഹരമായ പ്രണയ ഗാനത്തില് പുതുമുഖമായ ശ്രാവണ ആണ് നായിക. പ്രണയ നായകനായി ചാക്കോച്ചന് പൊളിച്ചു എന്ന് ആരാധകര്. ഗാനം കുറഞ്ഞ സമയത്തിനുള്ളില് തന്നെ സാമൂഹിക മാധ്യമങ്ങളില് ഹിറ്റാകുകയായിരുന്നു.
എന്നാല് ഇപ്പോള് വൈറല് ആയിരിക്കുന്നത് ഒരു ആരാധകന് ഇട്ട കമന്റ് ആണ്. അല്ല അറിയാന് പാടില്ലാത്തോണ്ട് ചോദിക്കുവാ, നിങ്ങള്ക്ക് ഈ വയസും പ്രായവും ഒന്നും ആവുന്നില്ലേ? അന്നും ഇന്നും ചോക്ലേറ്റ് ഹീറോ നിങ്ങള് തന്നെ അച്ചായോ.. എന്നായിരുന്നു കമന്റ്.
ചാക്കോച്ചന് ആവതരിപ്പിക്കുന്ന കഥാപാത്രങ്ങള്ക്കു മാറ്റമുണ്ടെന്നതല്ലാതെ മയാളത്തിലെ മുന്നിര നായികമാരോട് അന്നും ഇന്നും ഒരു പോലെ പ്രണയനായകനായി തിളങ്ങുന്നു. താരത്തിന്റ രൂപത്തിനോ ഭാവത്തിനോ ഒന്നും ഒരു മാറ്റവും ഇല്ല. ഇന്നും അനിയത്തിപ്രാവിലെ മധുരപ്പതിനേഴ്.
പ്രായത്തിനു പ്രവേശനം ഇല്ല എന്ന് വര്ഷങ്ങളായി തെളിയിച്ചു കൊണ്ടിരിക്കുന്ന മമ്മൂട്ടിക്ക് ഒരു പിന്ഗാമിയായി കുഞ്ചാക്കോ ബോബന് മാറും എന്ന കാര്യത്തില് ഒരു സംശയവും വേണ്ടെന്ന് കുഞ്ചാക്കോ ആരാധകരുടെ ഭാഷ്യം.