ചീറ്റ് ഇന്ത്യയുടെ ട്രയിലര്‍ പുറത്തിറങ്ങി

ന്യൂഡല്‍ഹി: കാത്തിരിപ്പിനൊടുവില്‍ ഇമ്രാന്‍ ഹാഷ്മിയുടെ ചീറ്റ് ഇന്ത്യയുടെ ട്രയിലറെത്തി. വിദ്യാഭ്യാസ ഘടനയിലെ അഴിമതിയും പൊരുത്തക്കേടുകളും തുറന്നു കാട്ടുന്നതാണ് ചിത്രത്തിന്റെ പ്രമേയം.
ചിത്രത്തിന്റെ ട്രയിലര്‍ ഇമ്രാന്‍ ട്വിറ്ററില്‍ പങ്കുവെച്ചു.

On your 'marks', get set, CHEAT…..

The #CheatIndiaTrailer you've been waiting for: https://t.co/6Rayx2lIol@parveenshahani @itsBhushanKumar @tanuj_garg @EllipsisEntt @TSeries @EmraanHFilms @atulkasbekar @bangdu @s_dhan13 @khannasunny #CheatIndia #NakalMeinHiAkalHai pic.twitter.com/i7KoFY1tC2

— Emraan Hashmi (@emraanhashmi) December 12, 2018

വിദ്യാഭ്യാസ രംഗം അഭിമുഖീകരിക്കുന്ന പ്രശ്‌നങ്ങളും അഴിമതിയും ചിത്രം വരച്ചുകാട്ടുന്നു. വാര്‍ത്തകള്‍ വളച്ചൊടിക്കുന്ന വര്‍ത്തമാനപത്രങ്ങള്‍ക്കെതിരെയും വാര്‍ത്താവിനിമയമാദ്ധ്യമങ്ങള്‍ക്കെതിരെയും ചിത്രം വിരല്‍ ചൂണ്ടുന്നു.

കൈക്കൂലി മേടിച്ച് വ്യാജ സര്‍ട്ടിഫിക്കറ്റ് നല്‍കുന്നതിനെതിരെയും ചിത്രം ആഞ്ഞടിക്കുന്നു. മാനേജ്‌മെന്റ് കോളേജുകളില്‍ 100 ശതമാനം വിജയം കൈവരിക്കുകയെന്ന ലക്ഷ്യത്തോടെ യഥാര്‍ത്ഥവിദ്യാര്‍ത്ഥിക്കുപകരം അപരനെ ഹാജരാക്കുന്ന സംവിധാനത്തെയും ചിത്രം ചൂണ്ടിക്കാട്ടുന്നു.

ചിത്രത്തില്‍ ഇമ്രാന്‍ ഇതുവരെ അവതരിപ്പിക്കാത്ത ലുക്കിലാണ് എത്തുന്നത്. സമൂഹത്തിലെ ദുഷ്പ്രവണതകള്‍ക്കെതിരെ പ്രതികരിക്കുന്ന മധ്യനിരയെ പ്രതിബിംബിക്കുന്നു. ശ്രേയ ധന്വന്തരിയാണ് നായിക.

ഇമ്രാന്‍ഖാന്റെ സ്വന്തം പ്രൊഡക്ഷന്‍ കമ്പനിയാണ് ചിത്രം നിര്‍മ്മിക്കുന്നത്. സൗമിക് സെന്നാണ് സംവിധായകന്‍. ചിത്രം ജനുവരി 25 ന് റിലീസാകും.