പെര്ത്ത്: പെര്ത്ത് ടെസ്റ്റില് ഇന്ത്യക്കെതിരെ ഓസ്ട്രേലിയക്ക് ബാറ്റിംഗ്. ടോസ് നേടിയ ഓസീസ് ബാറ്റിംഗ് തിരഞ്ഞെടുക്കുകയായിരുന്നു. പരിക്ക് മൂലം രോഹിത് ശര്മ്മയും രവിചന്ദ്രന് അശ്വിനും പുറത്തായപ്പോള്, രവീന്ദ്ര ജഡേജയും ഹനുമ വിഹാരിയും പകരക്കാരായി ടീമിലെത്തിയിട്ടുണ്ട്. ഇവര്ക്ക് പുറമെ ഭുവനേശ്വര് കുമാര്, ഉമേഷ് യാദവ് എന്നിവരും ടീമിലുള്ളതിനാല് ആകെ പേസ് ബോളര്മാരുടെ എണ്ണം അഞ്ചായിട്ടുണ്ട്. അതേസമയം ഓസ്ട്രേലിയയുടെ ടീമില് മാറ്റമില്ല.
പെര്ത്തിലെ പുതിയ സ്റ്റേഡിയമായ ഓപ്റ്റസ് സ്റ്റേഡിയമാണ് രണ്ടാം ടെസ്റ്റിന് വേദിയാകുന്നത്. നാല് മത്സരങ്ങളുള്ള പരമ്പരയില് ഇന്ത്യ 1-0ത്തിന് മുന്നിലാണ് ഇപ്പോള്. അഡ്ലെയ്ന് ടെസ്റ്റില് ഇന്ത്യ 31 റണ്സിനാണ് ഓസീസിനെ പരാജയപ്പെടുത്തിയത്.