ലോകമെങ്ങുമുള്ള ആരാധകർ ആവേശത്തോടെ കാത്തിരിക്കുന്ന ഗെയിം ഓഫ് ത്രോൺസ് അവസാന സീസൺ ഏപ്രിൽ 14 ന് ആരംഭിക്കും. സീരിയലിന്റെ ട്രെയിലർ പുറത്തിറങ്ങി. ഒരു ദിവസം കൊണ്ടു തന്നെ 65 ലക്ഷം വ്യൂസാണ് ട്രെയിലറിന് ലഭിച്ചത്.
നെഡ് സ്റ്റാർക്ക് ജോൺ സ്നോയോട് സംസാരിക്കുന്നതും ട്രെയിലറിലുണ്ട്.
നീ ഒരു സ്റ്റാർക്കാണ്. നിനക്ക് എന്റെ പേരു ലഭിച്ചില്ലായിരിക്കും പക്ഷേ എന്റെ രക്തമാണ് നിന്റെ സിരകളിൽ ഓടുന്നത്. എന്നാണ് നെഡ് സ്റ്റാർക്ക് സംസാരിക്കുന്നത്. തുടർന്ന് ഗുഹയ്ക്ക് പുറത്തു നിന്ന് മഞ്ഞ് അകത്തേക്ക് വരുന്ന ദൃശ്യത്തോടു കൂടി ട്രെയിലർ അവസാനിക്കുന്നു.
ഗെയിം ഓഫ് ത്രോൺസിന്റെ എട്ടാമത്തെ സീസണാണ് ഏപ്രിൽ 14 ന് ആരംഭിക്കുന്നത്. ആറ് എപ്പിസോഡാണ് ഈ സീസണിൽ ഉണ്ടാകുക. ഇതോടെ കഴിഞ്ഞ എട്ടുവർഷമായി തുടർന്നു വന്ന ഗെയിം ഓഫ് ത്രോൺസ് അവസാനിക്കും.ഏഴാമത്തെ സീസണിലെ അവസാന എപ്പിസോഡ് എച്ച് ബി ഒയിലും മറ്റ് സ്ട്രീമിംഗ് സൈറ്റുകളിലൂടെയും കണ്ടത് ഏതാണ്ട് 160 ലക്ഷം പേരാണ് .