Tech

വിദ്യാര്‍ത്ഥികളുടെ നിര്‍മ്മിതിക്ക് ഐഎസ്ആര്‍ഒയുടെ അംഗീകാരം: ലോകത്തിലെ ഏറ്റവും ഭാരം കുറഞ്ഞ ഉപഗ്രഹം കലാംസാറ്റ് ഭ്രമണപഥത്തില്‍

ബംഗലൂരു: വിദ്യാര്‍ത്ഥികള്‍ നിര്‍മ്മിച്ച ലോകത്തിലെ തന്നെ ഏറ്റവും ഭാരം കുറഞ്ഞ ഉപഗ്രഹമായ കലാംസാറ്റ് ഐഎസ്ആര്‍ഒ വിജയകരമായി വിക്ഷേപിച്ചു. സൈനികാവശ്യത്തിന് നിര്‍മ്മിച്ച ഇമേജിംഗ് ഉപഗ്രഹം മൈക്രോസാറ്റ് ആറിനൊപ്പമാണ് കലാംസാറ്റ് ഭ്രമണപഥത്തിലെത്തിയത്. പിഎസ്എല്‍വി സി-44 റോക്കറ്റിലാണ് ഉപഗ്രഹങ്ങള്‍ പറന്നുയര്‍ന്നത്. വ്യാഴാഴ്ച രാത്രി 11.37ന് ആന്ധ്ര ശ്രീഹരിക്കോട്ടയിലെ സതീഷ് ധവാന്‍ സ്‌പെസ് സെന്ററില്‍ നിന്നായിരുന്നു വിക്ഷേപണം.

മുന്‍ രാഷ്ട്രപതി അബ്ദുള്‍ കലാമിന്റെ സ്മരണാര്‍ത്ഥമാണ് ഉപഗ്രഹത്തിന് കലാംസാറ്റ് എന്ന് പേര്‍ നല്‍കിയത്. ചെന്നൈയിലെ സ്‌പേസ് കിഡ്‌സ് എന്ന കൂട്ടായ്മയുടെ നേതൃത്വത്തില്‍ നിര്‍മ്മിച്ച ഉപഗ്രഹമാണ് കലാംസാറ്റ്. ഉപഗ്രഹത്തിന്റെ ഭാരക്കുറവാണ് ഇതിനെ ശ്രദ്ധേയമാക്കുന്നത്. 1.26 കിലോ മാത്രമാണ് ഉപഗ്രഹത്തിന്റെ ഭാരം. 12 ലക്ഷം രൂപയാണ് ഉപഗ്രഹത്തിന്റെ നിര്‍മ്മാണ ചിലവ്. ഈ ഉപഗ്രഹം ഐഎസ്ആര്‍ഒ സൗജന്യമായാണ് വിക്ഷേപിച്ചത്. പ്രതിരോധ ഗവേഷണ കേന്ദ്രത്തിന്റെ ഉപഗ്രഹമാണ് മൈക്രോസോഫ്റ്റ് ആര്‍.

3K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close