Tech

ക്ഷമിക്കുക അത് സെർവർ തകരാർ ആയിരുന്നു; സൈറ്റുകൾ നിശ്ചലമായ വിഷയത്തിൽ പ്രതികരണവുമായി ഫേസ്ബുക്ക്

കാലിഫോർണിയ: സോഷ്യൽ മീഡിയ സൈറ്റുകളായ ഫേസ്ബുക്കും ഇൻസ്റ്റഗ്രാമും വാട്ട്സ്ആപ്പും നിശ്ചലമായ വിഷയത്തിൽ കാരണം വ്യക്തമാക്കി ഫേസ്ബുക്ക്. തങ്ങളുടെ സെർവറിലുണ്ടായ തകരാറാണ് പ്രശ്നത്തിന് കാരണമായതെന്നും എല്ലാവരും ക്ഷമിക്കണമെന്നും ഫേസ്ബുക്ക് അധികൃതർ ട്വീറ്റ് ചെയ്തു. കഴിഞ്ഞ ദിവസമാണ് മണിക്കൂറുകളോളം ഫേസ്ബുക്കും ഇൻസ്റ്റഗ്രാമും പ്രവർത്തനരഹിതമായത്.

ബുധനാഴ്ച രാത്രി പത്തുമണിയോടെയാണ് ഫേസ്ബുക്ക്, വാട്ട്സ്ആപ്പ്, ഇൻസ്റ്റഗ്രാം അടക്കമുള്ള നവമാദ്ധ്യമങ്ങൾ പ്രവർത്തന രഹിതമായത്. ഫേസ്ബുക്കിന്റെയും ഇൻസ്റ്റഗ്രാമിന്റെയുെ വെബ് വെർഷൻ മണിക്കൂറുകളോളം പ്രവർത്തനരഹിതമായി. എന്നാൽ മൊബൈൽ വെർഷൻ പ്രവർത്തിച്ചിരുന്നുവെങ്കിലും പോസ്റ്റുകൾ ഇടാനോ കമന്റ് ചെയ്യാനോ മെസേജ് ചെയ്യാനോ ബുദ്ധിമുട്ട് നേരിട്ടിരുന്നു.

ഫേസ്ബുക്കിന്റെ ഉടമസ്ഥതയിലുള്ള സാമൂഹിക മാദ്ധ്യമങ്ങൾ പ്രവർത്തന രഹിതമായതോടെ കമ്പനിക്കെതിരെ രൂക്ഷമായ വിമർശനവുമായി നിരവധി ഉപഭോക്താക്കൾ രംഗത്തെത്തിയിരുന്നു. ഈ സാഹചര്യത്തിലാണ് തടസം നേരിട്ടതിൽ ക്ഷമാപണവുമായി ഫേസ്ബുക്ക് രംഗത്തെത്തിയത്.

സെർവർ കോൺഫിഗറേഷൻ ചേഞ്ചിലുണ്ടായതകരാർ മൂലമാണ് കഴിഞ്ഞ ദിവസം നിരവധി ഉപഭോക്താക്കൾക്ക് തങ്ങളുടെ ആപ്ലിക്കേഷനുകളിൽ തടസം നേരിട്ടത്. ഇപ്പോൾ പ്രശ്നങ്ങളെല്ലാം പരിഹരിച്ചുകഴിഞ്ഞു. തടസം നേരിട്ടതിൽ ക്ഷമ ചോദിക്കുന്നു. ഒപ്പം നിങ്ങളുടെെ ക്ഷമാശക്തിയെ ഞങ്ങൾ അഭിനന്ദിക്കുന്നുവെന്നും ഫേസ്ബുക്ക് ട്വീറ്റ് ചെയ്തു.

126 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close