Tech

ഫെയ്‌സ്ബുക്ക് പണിമുടക്കിയപ്പോള്‍ ടെലിഗ്രാമിന് ചാകര

സാന്‍ഫ്രാന്‍സിസ്‌കോ: സെര്‍വര്‍ പണിമുടക്കിയതിനെത്തുടര്‍ന്ന് ഫെയ്‌സ്ബുക്ക്, വാട്‌സ് ആപ്പ്, ഇന്‍സ്റ്റാഗ്രാം സേവനങ്ങള്‍ നിശ്ചലമായപ്പോള്‍ ടെലിഗ്രാമിനുണ്ടായത് വന്‍ നേട്ടം.

ഒറ്റ ദിവസംകൊണ്ട് ടെലിഗ്രാമിന് ലഭിച്ചത് 30 ലക്ഷം ഉപഭോക്താക്കളെയാണ്. ലക്ഷക്കണക്കിന് ആളുകളാണ് 24 മണിക്കൂറിനുള്ളില്‍ ടെലിഗ്രാമം ഉപയോഗിച്ചതെന്നാണ് ടെക് ക്രഞ്ച് വെബ്‌സൈറ്റിന്റെ റിപ്പോര്‍ട്ട്.

ഫേസ്ബുക്ക്, വാട്ട്‌സ് ആപ്പ്, ഇന്‍സ്റ്റഗ്രാം തുടങ്ങിയ സാമൂഹിക മാദ്ധ്യമങ്ങള്‍ ബുധനാഴ്ച രാത്രിയോടെയാണ് പ്രവര്‍ത്തനം നിലച്ചത്. ഫേസ്ബുക്കിന്റെയും ഇന്‍സ്റ്റഗ്രാമിന്റെയും വെബ് വെര്‍ഷന്‍ ഒരു മണിക്കൂറിലേറെ പ്രവര്‍ത്തനരഹിതമായി. എന്നാല്‍ മൊബൈല്‍ വെര്‍ഷന്‍ പ്രവര്‍ത്തിച്ചിരുന്നുവെങ്കിലും പോസ്റ്റുകള്‍ ഇടാനോ കമന്റ് ചെയ്യാനോ മെസേജ് ചെയ്യാനോ ബുദ്ധിമുട്ട് നേരിട്ടിരുന്നു.

വാട്ട്‌സ്ആപ്പ് ഉടന്‍ തന്നെ തിരിച്ച് വന്നെങ്കിലും മറ്റുള്ളവ ഏറെ നേരം പ്രവര്‍ത്തനരഹിതമായിരുന്നു. രാത്രി പത്ത് മണിയോടെയാണ് പ്രവര്‍ത്തന രഹിതമായത്. ഒരു മണിക്കൂറിലേറെ കഴിഞ്ഞിട്ടും ഭാഗീകമായി മാത്രമാണ് പ്രവര്‍ത്തന ക്ഷമമായത്.
അതേസമയം, ആപ്പുകള്‍ പ്രവര്‍ത്തനരഹിതമായതിന് പിന്നില്‍ സൈബര്‍ ആക്രമണമല്ലെന്ന് ഫേസ്ബുക് ട്വിറ്ററിലൂടെ അറിയിച്ചിരുന്നു.

274 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close