India

തമിഴ്‌നാട്ടില്‍ വോട്ടര്‍മാര്‍ക്ക് നല്‍കാന്‍ സൂക്ഷിച്ചിരുന്ന ഒന്നരക്കോടി രൂപ ആദായനികുതി വകുപ്പ് പിടികൂടി

ആണ്ടിപ്പെട്ടി: ടി.ടി.വി.ദിനകരന്റെ അമ്മ മക്കള്‍ മുന്നേറ്റ കഴക(എഎംഎംകെ)ത്തിന്റെ ഓഫീസില്‍ നിന്ന്‌ ഒന്നരക്കോടി രൂപ കണ്ടെത്തിയതായി റിപ്പോര്‍ട്ട്. ആദായനികുതി വകുപ്പ് നടത്തിയ പരിശോധനയിലാണ് അനധികൃതമായി സൂക്ഷിച്ചിരുന്ന പണം കണ്ടെത്തിയത്. 94 ചാക്കുകളിലായി കെട്ടിവെച്ച നിലയിലാണ് പണം കണ്ടെത്തിയത്.ചാക്കിന് പുറത്ത് മണ്ഡലത്തിലെ വാര്‍ഡുകളുടെ നമ്പറും വോട്ടര്‍മാരുടെ എണ്ണവും രേഖപ്പെടുത്തിയിരുന്നു.

ലോക്‌സഭ തെരഞ്ഞെടുപ്പിനൊപ്പം നിയമസഭ ഉപതെരഞ്ഞെടുപ്പും നടക്കുന്ന ആണ്ടിപ്പെട്ടി മണ്ഡലത്തില്‍ നിന്നാണ് അനധികൃതമായി പണം കണ്ടെത്തുന്നത്. വോട്ടര്‍മാര്‍ ഒരാള്‍ക്ക് 300 രൂപ വീതം നല്‍കാനായിരുന്നു പദ്ധതിയെന്ന് പരിശോധനക്ക് ശേഷം അധികൃതര്‍ അറിയിച്ചു.

എന്നാല്‍ പരിശോധനക്കെത്തിയ ആദായനികുതി വകുപ്പ് ഉദ്യോഗസ്ഥരെ എഎംഎംകെ പ്രവര്‍ത്തകര്‍ തടയുകയും തുടര്‍ന്ന് പോലീസ് ആകാശത്തേക്ക് വെടിയുതിര്‍ക്കുകയും ചെയ്തു.ഫ്‌ളയിംഗ് സ്‌ക്വാഡിന്റെ സഹായത്തോടെയാണ് പരിശോധന പൂര്‍ത്തിയായത്. 4 എഎംഎംകെ പ്രവര്‍ത്തകരെ പൊലീസ് കസ്റ്റഡിയില്‍ എടുത്തിട്ടുണ്ട്.

കഴിഞ്ഞ ദിവസം വെല്ലൂരിലെ ഡിഎംകെ സ്ഥാനാര്‍ത്ഥിയുടെ പക്കല്‍ നിന്നും കണക്കില്‍ പെടാത്ത പണം പിടികൂടിയതിനെ തുടര്‍ന്ന് വെല്ലൂര്‍ ലോക്‌സഭ മണ്ഡലത്തിലെ തിരഞ്ഞെടുപ്പ് റദ്ദാക്കിയിരുന്നു.

661 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close