Kerala

സർവ്വെഫലങ്ങളും കുമ്മനത്തിന് അനുകൂലം ; വിറളിപിടിച്ച് സിപിഎം , വോട്ട് തരൂരിനു നൽകാനും നിർദേശമെന്ന് സൂചന

തിരുവനന്തപുരം : എൻ ഡി എ സ്ഥാനാർത്ഥി കുമ്മനം രാജശേഖരന് അനുകൂലമായി വന്നതോടെ സർവ്വെ റിപ്പോർട്ടുകൾ വന്നതോടെ തിരുവനന്തപുരത്ത് യു ഡി എഫി നു വോട്ട് മറിക്കാൻ തീരുമാനിച്ച് സിപിഎം.

കാലങ്ങളായി അടിയുറച്ച പാർട്ടി പ്രവർത്തകർ തന്നെയാണ് ഇത്തവണ വോട്ട് മാറ്റിക്കുത്താൻ ഒരുങ്ങുന്നത് . വോട്ട് മറിക്കാൻ തീരുമാനിച്ചതോടെ മുന്നണിയിൽ സി പി എം – സി പി ഐ പോര് ശക്തമാകുകയാണ്.

ബി ജെ പിയെ പരാജയപ്പെടുത്തുക എന്നത് സി പി എമ്മിന്റെ നയമാണെന്നു സംസ്ഥാന സെക്രട്ടറി കോടിയേരി ബാലകൃഷ്ണൻ വ്യക്തമാക്കിയിരുന്നു . ഇതിന്റെ ചുവട് പിടിച്ചാണ് ഇത്തവണയും ബി ജെ പിയെ പരാജയപ്പെടുത്താൻ സി പി എം തീരുമാനിച്ചത്.

തലസ്ഥാനത്ത് കുമ്മനം രാജശേഖരൻ വിജയിക്കുമെന്നു രാഷ്ട്രീയ നിരീക്ഷകരും , സർവ്വെ ഫലങ്ങളും വ്യക്തമാക്കുന്നത് സി പി എമ്മിനെ അസ്വസ്ഥമാക്കുന്നുണ്ട് . അതുകൊണ്ട് തന്നെ വോട്ട് ശശി തരൂരിന് അനുകൂലമായി ചെയ്യാൻ താഴെത്തട്ടിലേക്കു നിർദേശം എത്തിക്കഴിഞ്ഞു . ഇത് പ്രവർത്തകർ പരസ്യമായി പറയുകയും ചെയ്യുന്നുണ്ട് .

2014 ൽ ഒ. രാജഗോപാലിനെ പരാജയപ്പെടുത്താൻ ,സി പി ഐ സ്ഥാനാർത്ഥി ബെന്നറ്റ് എബ്രഹാമിന് ലഭിക്കേണ്ട വോട്ടു കൂടി തരൂരിന് നൽകിയെന്നും ആക്ഷേപം ഉയർന്നിരുന്നു .അന്നത്തെ സീറ്റ് വിവാദത്തിലെ പ്രതി കൂടിയാണ് ഇത്തവണത്തെ എൽ ഡി എഫ് സ്ഥാനാർത്ഥി എന്നതും ശ്രദ്ധേയമാണ് .

തിരുവനന്തപുരം മണ്ഡലത്തിലെ 1305 ബൂത്തുകളിലും , അടിയുറച്ച പാർട്ടി പ്രവർത്തകരോട് , സാഹചര്യം നോക്കി വോട്ട് ചെയ്യണമെന്നും നിർദേശം നൽകിയിട്ടുണ്ട്.

വോട്ട് മറിക്കാൻ സി പി എം തീരുമാനിച്ചതോടെ ,സി പി ഐ പ്രതിസന്ധിയിലാണ്.സി ദിവാകരന്റെ പ്രചാരണത്തിൽ സി പി എം പ്രവർത്തകർ ശ്രദ്ധ കേന്ദ്രീകരിക്കാത്തതും , വോട്ടു മറിയ്ക്കാനുള്ള നീക്കത്തിന്റെ ഭാഗമാണെന്നാണ് സൂചന . .

2016 ലെ നിയമസഭാ തിരഞ്ഞെടുപ്പിൽ വട്ടിയൂർ കാവിൽ കുമ്മനത്തെ പരാജയപ്പെടുത്താൻ സിപിഎമ്മുമായി ധാരണ ഉണ്ടായിരുന്നുവെന്ന് കോൺഗ്രസ്സ് നേതാവ് കെ മുരളീധരൻ നേരത്തെ വെളിപ്പെടുത്തിയിരുന്നു .

6K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close