India

നടനും ഗായകനുമായ അരുണ്‍ ബക്ഷി ബിജെപിയില്‍ ചേര്‍ന്നു

ന്യൂ ഡല്‍ഹി: പ്രശസ്ത സിനിമാ നടനും പിന്നണി ഗയകനുമായ അരുണ്‍ ബക്ഷി ബിജെപിയില്‍ ചേര്‍ന്നു. ബിജെപി നേതാവും മുന്‍ ഛത്തീസ്ഗഢ് മുഖ്യമന്ത്രിയുമായിരുന്ന രമണ്‍ സിംഗിന്റെ സാന്നിദ്ധ്യത്തിലാണ് അദ്ദേഹം പാര്‍ട്ടി അംഗത്വം സ്വീകരിച്ചത്.

‘എപ്പോഴും ബിജെപിയുടെ ആദര്‍ശങ്ങളെ ഞാന്‍ പിന്തുണക്കാറുള്ളതു കൊണ്ടാണ് പാര്‍ട്ടിയില്‍ ചേരാന്‍ തീരുമാനിച്ചത്. എന്നാല്‍ അതിലുപരി പ്രധാനമന്ത്രി നരേന്ദ്ര മോദിയുടെ പ്രവര്‍ത്തനങ്ങള്‍ എന്നെ വളരെയധികം സ്വാധീനിച്ചു. അദ്ദേഹത്തെപ്പോലെ ഒരു പ്രധാനമന്ത്രി മുന്‍പ് ഉണ്ടായിട്ടില്ല. അദ്ദേഹമാണ് എന്നെ രാജ്യത്തെ സേവിക്കാന്‍ പ്രേരിപ്പിച്ചതും’. പാര്‍ട്ടി അംഗത്വം സ്വീകരിച്ച ശേഷം അരുണ്‍ ബക്ഷി പറഞ്ഞു.

പ്രധാനമന്ത്രി സത്യസന്ധനായതിനാല്‍ അദ്ദേഹത്തിന് നിരവധി ശത്രുക്കളുണ്ടെന്ന് അദ്ദേഹം വ്യക്തമാക്കി. എന്നാല്‍ പ്രധാനമന്ത്രിക്ക് രാജ്യത്തെക്കുറിച്ച് മാത്രമേ ചിന്തയുള്ളൂവെന്നും ഒരു അവധി പോലുമെടുക്കാതെയാണ് അദ്ദേഹം രാജ്യത്തെ സേവിക്കുന്നതെന്നും ബക്ഷി കൂട്ടിച്ചേര്‍ത്തു.

100-ലധികം ഹിന്ദി സിനിമകളില്‍ അഭിനയിച്ചിട്ടുള്ള അരുണ്‍ ബക്ഷി പിന്നണി ഗായകനായി 298 ഗാനങ്ങളും ആലപിച്ചിട്ടുണ്ട്. പഞ്ചാബി, ബോജ്പൂരി സിനിമകള്‍ക്ക് വേണ്ടിയും പ്രവര്‍ത്തിച്ചിട്ടുണ്ട്.

653 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close