India

ഗുവാഹത്തിയിൽ സ്ഫോടനം; രണ്ട് ഉൾഫ ഭീകരവാദികൾ പിടിയിൽ

ഗുവാഹത്തി: ആസാമിലെ ഗുവാഹത്തിയിലുണ്ടായ സ്ഫോടനത്തിൽ 12 പേർക്ക് പരിക്കേറ്റു. സംഭവവുമായി ബന്ധപ്പെട്ട് 2 പേർ പൊലീസ് പിടിയിലായി. ഇവർ ഭീകര സംഘടനയായ ഉൾഫയിലെ അംഗങ്ങളാണെന്ന് പൊലീസ് പറഞ്ഞു. ഇവരിൽ നിന്ന് വലിയ തോതിൽ സ്ഫോടക വസ്തുക്കളും പിടിച്ചെടുത്തു.

സ്ഫോടനത്തിന് പിന്നിൽ പ്രവർത്തിച്ചവർ പഞ്ജബാരിയിലെ ഒരു വീട്ടിലുണ്ടെന്ന രഹസ്യ വിവരത്തെ തുടർന്ന് പൊലീസ് പരിശോധന നടത്തുകയായിരുന്നു. പരിശോധനയിൽ ഒരു സ്ത്രീയും പുരുഷനും അറസ്റ്റിലായി. അവർ ഭീകരസംഘടനയായ ഉൾഫയിലെ അംഗങ്ങളായിരുന്നു. അവരിൽ നിന്നും ഇരുപത് കിലോ വെടിമരുന്നും ഒരു 9mm പിസ്റ്റലും 25 റൗണ്ട് വെടിയുണ്ടകളും പിടിച്ചെടുത്തതായി പൊലീസ് കമ്മീഷണർ ദീപക് കുമാർ മാദ്ധ്യമങ്ങളോട് പറഞ്ഞു.

ബൈക്കിലെത്തിയ രണ്ടംഗ സംഘം ജനത്തിരക്കേറിയ വഴിയിൽ സ്ഫോടകവസ്തു വലിച്ചെറിഞ്ഞ ശേഷം കടന്നു കളയുകയായിരുന്നു. പരിക്കേറ്റവരെ ചികിത്സക്കായി ഗുവാഹത്തി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

പിടിയിലായവരെ ചോദ്യം ചെയ്തു വരികയാണെന്നും സംഭവത്തിൽ അന്വേഷണം ഊർജ്ജിതമാണെന്നും പൊലീസ് വ്യക്തമാക്കി.

135 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close