ഓവൽ: ലോകകപ്പ് ക്രിക്കറ്റിൽ ഇന്ന് നടക്കുന്ന മത്സരത്തിൽ ദക്ഷിണാഫ്രിക്ക ബംഗ്ലാദേശിനെ നേരിടും. ആദ്യ മത്സരത്തിൽ ഇംഗ്ലണ്ടിനോട് പരാജയപ്പെട്ട പ്രോട്ടീസ് നിര ബംഗ്ലാദേശിനെതിരെ മികച്ച ജയം ലക്ഷ്യമിട്ടാണ് ഇറങ്ങുന്നത്.
ഹാഷിം ആംലയും ഡു പ്ലസിസും ഉൾപ്പെട്ട ബാറ്റിംഗ് നിര ഫോം വീണ്ടെടുക്കുമെന്നാണ് ആരാധകരുടെ പ്രതീക്ഷ. കഗീസോ റബാദ, ലുങ്കി എങ്കിഡി, ഇമ്രാൻ താഹിർ എന്നിവരുൾപ്പെട്ട ബൗളിംഗ് നിര മികച്ച പ്രകടനം കാഴ്ചവച്ചാൽ പ്രോട്ടീസിന് മുന്നേറാം.
തമിം ഇഖ്ബാലും മുഷ്ഫിക്കുർ റഹിമും ഉൾപ്പെട്ട ബാറ്റിംഗ് നിരയിലാണ് ബംഗ്ലാദേശിന്റെ പ്രതീക്ഷ. മഷ്റഫെ മൊർത്താസ നയിക്കുന്ന ബൗളിംഗ് നിരയിൽ മുസ്തഫിസൂർ റഹിമും റൂബൽ ഹുസൈനുമുണ്ട്. പരുക്കേറ്റ ഓപ്പണർ തമിം ഇഖ്ബാൽ ഇന്ന് കളിക്കുന്ന കാര്യം സംശയത്തിലാണ്.
