Qatar

രാജ്യാന്തര യോഗ ദിനാചരണം അതിഗംഭീരമാക്കാന്‍ സമന്വയം 500 പേര്‍ പങ്കെടുക്കുന്ന യോഗ പ്രദര്‍ശനം 21ന് ബിര്‍ള പബ്ലിക് സ്കൂളില്‍.

ദോഹ. അന്തര്‍ദേശീയ യോഗ ദിനാചരണത്തിന് ഖത്തറിലും ഒരുക്കങ്ങള്‍ ഊര്‍ജിതം. പ്രാണസ്പന്ദനംപോലെ യോഗയെ നിത്യജീവിതത്തിന്റെ ഭാഗമാക്കി നെഞ്ചോടുചേര്‍ത്തു പിടിക്കുന്ന ഖത്തറിലെ ഇന്ത്യന്‍ പ്രവാസികളുടെ കൂട്ടായ്മയായ സമന്വയത്തിന്റെ നേതൃത്വത്തിലാണ് ഖത്തറിലെ മുഖ്യപരിപാടി. രാജ്യാന്തര യോഗ ദിനമായ ജൂണ്‍ 21(വെള്ളി)ന് വൈകിട്ട് 6.15 മുതല്‍ ബിര്‍ള പബ്ലിക് സ്കൂളിലാണ് യോഗ ദിനാചരണം.
രണ്ടു മണിക്കൂര്‍ നീളുന്ന യോഗ പ്രദര്‍ശനത്തില്‍ ശാസ്ത്രീയമായി യോഗ പരിശീലനം നേടുന്ന 500ല്‍ അധികം പേരാണ് പങ്കെടുക്കുക. ലഘു ആസനങ്ങള്‍ മുതല്‍ താരതമ്യേന കഠിനമായ സൂര്യനമസ്കാരം വരെയുള്ള യോഗാസനങ്ങള്‍ സമന്വയയുടെ പ്രദര്‍ശനത്തില്‍ അരങ്ങേറും.
ആരോഗ്യപരിപാലനത്തില്‍ യോഗയുടെ പ്രാധാന്യം, ശാരീരികവും മാനസികവുമായ ഗുണങ്ങള്‍, യോഗയിലൂടെ യോഗക്ഷേമം തുടങ്ങിയവയെക്കുറിച്ച് കൂടുതല്‍ അറിയാന്‍ ആഗ്രഹിക്കുന്ന വ്യക്തികള്‍ക്കും സംഘടനകള്‍ക്കും പരിപാടിയില്‍ പങ്കെടുക്കാം.

താല്‍പര്യമുള്ളവര്‍ https://forms.gle/qm4yywCKsZemkDQ66 എന്ന ലിങ്കില്‍ ഓണ്‍ലൈന്‍ ആയി രജിസിറ്റര്‍ ചെയ്യണം.

10 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close