Kerala

ജനം ടിവി വാർത്ത ; പാഞ്ചാലിമേട്ടിലെ കൈയ്യേറ്റ കുരിശുകൾ ഉടൻ പൊളിച്ച് മാറ്റണം , കർശന നിർദേശവുമായി അധികൃതർ

പത്തനംതിട്ട : ശബരിമല പൂങ്കാവനത്തിന്റെ ഭാഗമായ ഇടുക്കി പാഞ്ചാലിമേട് കൈയ്യേറി സ്ഥാപിച്ച കുരിശുകൾ ഉടൻ പൊളിച്ചു നീക്കണമെന്ന് നിർദേശം . കനകംഗവയൽ കത്തോലിക്കാ പള്ളിക്കാണ് പെരുവനന്താനം വില്ലേജ് ഓഫീസർ നിർദേശം നൽകിയിരിക്കുന്നത് . തിങ്കളാഴ്ച്ചയ്ക്കകം കുരിശുകൾ പൊളിക്കണമെന്നാണ് കർശന നിർദേശം .

മകരവിളക്ക് സമയത്ത് ആയിരങ്ങൾ ജ്യോതി കാണാൻ എത്തുന്ന പ്രദേശമാണ് പാഞ്ചാലിമേട്. ഇവിടെ കിലോമീറ്ററുകൾ ദൂരം റവന്യൂ ഭൂമി കൈയ്യേറി ക്രൈസ്തവ സംഘടനകൾ കുരിശുനാട്ടിയ വാർത്ത ജനം ടിവിയാണ് പുറത്ത് വിട്ടത് .

പഞ്ച പാണ്ഡവരുമായി ബന്ധപ്പെട്ട ഈ സ്ഥലത്ത് ആനപ്പാറ ,പാഞ്ചാലി കുളം ,ക്ഷേത്ര സമുച്ചയം ഇങ്ങനെയുള്ള ചരിത്ര അവശേഷിപ്പുകൾ ഇപ്പോഴുമുണ്ട് . റവന്യൂ ഭൂമിയായ ഇവിടം ജില്ലയിലെ പ്രധാന വിനോദ സഞ്ചാര മേഖല കൂടിയാണ് . ഇതിന്റെ കവാടം മുതൽ കിലോമീറ്ററുകൾ ദൂരം വരെയാണ് കുരിശുനാട്ടിയിരിക്കുന്നത് .

ക്രൈസ്തവ തീർത്ഥാടന കേന്ദ്രം എന്ന ബോർഡും , കുരിശും വിനോദ സഞ്ചാര കേന്ദ്രത്തിന്റെ കവാടത്തിൽ തന്നെ സ്ഥാപിച്ചിട്ടുണ്ട്. എല്ലാ വർഷവും കുരിശുമല കയറ്റം എന്ന രീതിയിൽ ക്രൈസ്തവ സംഘടനകൾ ഈ പ്രദേശങ്ങളിൽ കുരിശുകൾ സ്ഥാപിക്കുന്നതായി പരിസരവാസികൾ ചൂണ്ടിക്കാട്ടിയിരുന്നു .

16K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close