ന്യൂഡൽഹി ; അഭിനന്ദനെ ചോദ്യം ചെയ്യുന്നു ,കപ്പ് തിരികെ വാങ്ങുന്നു , എന്തൊക്കെ ബഹളങ്ങളായിരുന്നു ,കഴിഞ്ഞ ദിവസങ്ങളിൽ പാക് മാദ്ധ്യമങ്ങൾ ലോക് കപ്പിന്റെ പേരിൽ കാട്ടികൂട്ടിയത് .എന്നാൽ അതിനെ ഒന്നാകെ തകർത്തെറിഞ്ഞിരിക്കുകയാണ് ഇന്ത്യയുടെ ചുണക്കുട്ടികൾ .
മാഞ്ചസ്റ്ററിലെ ഓള്ഡ് ട്രാഫോര്ഡ് സ്റ്റേഡിയത്തിന്റെ സിംഹഭാഗവും കൈയ്യടിക്കിയിരുന്നതും ഇന്ത്യക്കാരായിരുന്നു . പാകിസ്ഥാനിൽ നിന്ന് 18 ശതമാനം പേരാണ് കളി കാണാൻ എത്തിയിരുന്നത് . ഇവരിൽ പലരും കളി കഴിഞ്ഞ് മാദ്ധ്യമങ്ങളോട് പ്രതികരിച്ചത് പൊട്ടിക്കരഞ്ഞാണ് . ഈ ചിത്രങ്ങൾ ഏറ്റെടുത്ത ഇന്ത്യൻ ക്രിക്കറ്റ് പ്രേമികൾ കഴിഞ്ഞ ദിവസം മാഞ്ചസ്റ്ററിൽ ഒഴുകിയത് മഴ വെള്ളമല്ലെന്നും പാക് ക്രിക്കറ്റ് പ്രേമികളുടെ കണ്ണീരാണെന്നും കമന്റ് നൽകി .
പുൽവാമ ഭീകരാക്രമണത്തിനു ശേഷം നടന്ന മത്സരം എന്ന നിലയിൽ കഴിഞ്ഞ ദിവസം നടന്ന ഇന്ത്യ – പാക് ബന്ധം മത്സരം ഇരു രാജ്യങ്ങളിലെയും ക്രിക്കറ്റ് പ്രേമികൾക്ക് ഏറെ നിർണ്ണായകമായി . മാത്രമല്ല ദിവസങ്ങൾക്ക് മുൻപാണ് പാകിസ്ഥാനിലെ ജാസ് ടിവി വേൾഡ് കപ്പ് പരസ്യം എന്ന നിലയിൽ ഇന്ത്യയുടെ വിംഗ് കമാൻഡർ അഭിനന്ദൻ വർധമാനെ പരിഹസിക്കുന്ന വീഡിയോയും പുറത്ത് വിട്ടത് . ഇതോടെ വീറും ,വാശിയും ഇരട്ടിയായി .ഒടുവിൽ കഴിഞ്ഞ ദിവസം രാത്രി ഒന്നുകൂടി ഉറപ്പിച്ചു , ടീം ഇന്ത്യയെ വെല്ലാൻ ആയിട്ടില്ല പാകിസ്ഥാൻ എന്ന് .
ഇന്ത്യയുടെ വിജയത്തിനൊപ്പം തന്നെ പാക് ക്രിക്കറ്റ് ആരാധകരുടെ വിഷമവും പാക് മാദ്ധ്യമങ്ങൾ തന്നെ ചിത്രങ്ങളോടെ ട്വിറ്ററിൽ പങ്കു വച്ചിട്ടുണ്ട് . മാത്രമല്ല ഇന്ത്യൻ ആരാധകർ തങ്ങളെ കണക്കിനു പരിഹസിക്കുന്ന വിവരവും വാർത്തയായി നൽകിയിട്ടുണ്ട് . അതിൽ ഏറെ വൈറലായത് , വിരാട് കൊഹ്ലിയെ കുറിച്ചുള്ള ട്വീറ്റാണ് . കൊഹ്ലി കളിച്ച വൺ ഡേ മത്സരങ്ങളിൽ മാത്രം 41 സെഞ്ച്വറികൾ നേടിയപ്പോൾ ,പാക് ക്രിക്കറ്റ് ടീം മൊത്തത്തിൽ നേടിയത് 41 സെഞ്ച്വറികളാണെന്നും ഇന്ത്യൻ ആരാധകർ പരിഹസിക്കുന്നതായി പാക് പത്രം ഡോൺ നൽകിയ വാർത്തയിൽ പറയുന്നു .
പാക് പാഷൻ എന്ന വെബ് സൈറ്റ് ക്രിക്കറ്റ് വേഷത്തിൽ നിൽക്കുന്ന ആരാധകന്റെ ചിത്രമാണ് ഇന്ത്യയുടെ വിജയത്തിന്റെ വാർത്തകൾക്കൊപ്പം നൽകിയത് , ‘ ഈ ചിത്രം ആയിരം വാക്കുകൾ പറയും ‘ എന്നതായിരുന്നു ഇതിന്റെ അടികുറിപ്പ് .
‘ ഈ പരാജയം അംഗീകരിക്കാൻ ബുദ്ധിമുട്ടുണ്ടെങ്കിലും , സത്യം പറയാതെ വയ്യാ ഈ മത്സരത്തിൽ പ്രൊഫഷണലിസത്തോടെ എത്തിയ ഒരു ടീമുണ്ടെങ്കിൽ അത് ഇന്ത്യൻ ടീമാണ് ‘ എന്നായിരുന്നു പാക് മനുഷ്യാവകാശ മന്ത്രി ഷിരീൻ മസാരിയുടെ ട്വീറ്റ് . ഇതും ഇന്ത്യൻ ആരാധകർ ആവേശത്തോടെ ഏറ്റെടുത്തു .
‘ ഉണർന്നിരുന്നിട്ട് കാര്യമില്ല , ബ്ലൂ സേന മാർച്ച് ചെയ്യുകയാണ് വിജയത്തിലേയ്ക്ക് ,ഗുഡ് നൈറ്റ് പാകിസ്ഥാൻ ‘ എന്നാണ് പലരും കഴിഞ്ഞ ദിവസം ട്വീറ്റ് ചെയ്തത് . അതേ സമയം ഇന്ത്യയുമായി ഏഴാമത്തെ മത്സരത്തിലും പരാജയപ്പെട്ടെങ്കിലും വീണ്ടും കളിക്കാൻ തയ്യാറാണെന്നാണ് പാക് മന്ത്രി ഷാ മുഹമ്മദ് ഖുറേഷി മാദ്ധ്യമങ്ങളോട് പറഞ്ഞത് .
