പാലക്കാട്: സര്ക്കാര് സ്കൂളില് കൃപാസനം പത്രവിതരണവും വിശ്വാസക്കച്ചവടവുമായി അധ്യാപിക. ആലപ്പുഴ പട്ടണക്കാട് എസ്.സി.യു ഗവണ്മെന്റ് വൊക്കേഷണല് ഹയര് സെക്കന്ഡറി സ്കൂളിലാണ് സംഭവം. രക്ഷിതാക്കള് പരാതിയുമായെത്തിയതോടെ കൃപാസനം പത്രം വിതരണം ചെയ്ത ജുസഫിന എന്ന അധ്യാപിക അവധിയില് പോയി. ഇതേ സമയം അധ്യാപികയ്ക്കെതിര ഒരു നടപടിയും വിദ്യാഭ്യാസ വകുപ്പ് സ്വീകരിച്ചിട്ടില്ല.
കൃപാസനം പത്രം പുസ്തകങ്ങളോടൊപ്പം സൂക്ഷിച്ചാല് ഉയര്ന്ന മാര്ക്ക് ലഭിക്കുമെന്ന് കുട്ടികളെ വിശ്വസിപ്പിച്ചാണ് ആലപ്പുഴ പട്ടണക്കാട് എസ്.സി.യു ഗവണ്മന്റ് വൊക്കേഷണല് ഹയര്സെക്കന്ഡറി സ്കൂളിലെ വിദ്യാര്ത്ഥികള്ക്ക് അധ്യാപിക കൃപാസനം പത്രം വിതരണം ചെയ്തത്. ഹൈസ്ക്കൂള് അധ്യാപികയായ ജുസഫിനയുടെ നടപടിക്കെതിരെ രക്ഷിതാക്കളും ഇതര മത വിശ്വാസികളും പരാതി നല്കിയെങ്കിലും അധ്യാപികയോട് വിശദീകരണം തേടുകയല്ലാതെ വിദ്യാഭ്യാസ വകുപ്പ് ഒരു നടപടിയും സ്വീകരിച്ചിട്ടില്ല.
അധ്യാപിക നല്കിയ വിശദീകരണത്തില് ഒരു കുട്ടിയുടെ അമ്മയക്ക് അസുഖമായതിനാല് അമ്മയക്കുവേണ്ടി ആ കുട്ടിക്ക് മാത്രമാണ് പത്രം നല്ിയതെന്നാണ് പറയുന്നത്.
ഇതേ സമയം കൃപാസനം പത്രം നല്കി വിശ്വാസ കച്ചവടം നടത്താനുള്ള ശ്രമം വിവാദമായതോടെ അധ്യാപിക അവധിയില് പോയിരിക്കുകയാണ്. സ്കൂളിലെ പ്രധാന അധ്യാപകനോട് സംഭവത്തേകുറിച്ച് തിരക്കിയെങ്കിലും കൃപാസനം പത്രം വിതരണം ചെയ്തത് അറിഞ്ഞിരുന്നില്ലന്ന മറുപടിയാണ് ലഭിച്ചത്.
യുക്തിക്കു നിരക്കാത്ത വാഗ്ദാനങ്ങള് നല്കി ഇതരമതസ്ഥര്ക്കിടയില് മതപരിവര്ത്തനത്തിന് ശ്രമിക്കുന്നത് നേരത്തെ തന്നെ ജനം ടിവി വാര്ത്ത നല്കിയിരുന്നു. കൃപാസനത്തിന്റെ നിയമവിരുദ്ധ പ്രവര്ത്തനങ്ങള് ചൂണ്ടികാട്ടി ശാസ്ത്രസാഹിത്യപരിഷത്ത് അടക്കം പോലിസിലും ജില്ലാകലക്ട്ടര്ക്കും പരാതി നല്കിയെങ്കിലും ഒരു നടപടിയും ഉണ്ടായിട്ടില്ല.